واكف أبصوته يصيح
آنه شيعي يالمسيح
صال بيهه وما تعب تارس الحومه وهب
آنه شيعي يالمسيح

مسيحي وجنه حب حسين
شاب وعزمه كل الدنيه جامعهه
نزف غيره أعله مود الدين
تدفعه الغيره ساعه وساعه دافعهه
طلع بس حار بين أثنين
زوجته وأم أبد مايوم فاجعهه
من عينه يصب أسنين
مو مثل الخلك تهمل مدامعهه
عمره لحسينه نذر بعده جاشنهو العمر
يهتف وماظن يطيح آنه شيعي يالمسيح

صليب أبجفه والأعجب
لحك ركب الحسين أبكل عزم وصرار
مسيحي وللحرب من طب
قرآن أعله صدره أحجاب عن النار
قلم سيفه وبده يكتب
قصايد عالركب الله عالأشعار
وهب بالحومه أذا يغضب
يخلي الروس للأجساد بس تذكار
شاب وبحيله أكيد يسحك أبهيبت يزيد
يحجي والمنطق صريح آنه شيعي يالمسيح

بين أهل العبه الخامس
من أجله وهب واهبله كل عمره
وسط كلبه علي جالس
حسن ويالحسين وفاطمه الزهره
عالأسلام ظل حارس
وهب حبه سليم وحب عله الفطره
نهج حسين بي دارس
عد حسين صار أبمدرسة نحره
والنحر خرجله جيل بس وهب أكبر دليل
شعبي ناده وبالفصيح آنه شيعي يالمسيح

وهب روح وتكله أمه
حك أرباي أريده اليوم بالميدان
خلص خلكه وبقه دمه
صال أبداخله صولت سبع فرسان
سيف أيوخر أبهمه
يوخره جن مناجل تفزع عله أغصان
لجله تنحني الأمه
وكامت ونحنتله بالطف التربان
سيفه ماراد الرياء أنحني ياكربلاء
يهمس أبدمه الجريح آنه شيعي يالمسيح

نبي عيسى أجه لطف
صليب أبأيده ويباوع عله الحومه
وبراسه الفكر يلتف
يعلم من محمد بالسبط يومه
وشاف الجيش ظل يصطف
صف شمر ونباله وحفنه من كومه
ومن عينه الدمع يهتف
شاهد جثه وهوايه الجثث نومه
باوع ألجثت وهب عيسى وبوجهه العجب
كال ياهو هالذبيح آنه شيعي يالمسيح