هاشم اعلى النهر فكدت جودها=وخيمة الهادي وكع عامودها طاح جوده اعلى النهر صاحب الجود وبسهام انذالها تمزك الجود طفت عينه وانهشم راسه بعمود وجثته طاحت بكتر زنودها تضحياته كمر عدنان البطل الدهر خلدهه وبكت مضرب مثل مثل ابوه المرتضى الليث الفحل وكفته التاريخ صار شهودها وكف حيدر للنبي بكل الحروب آزر الهادي وكشف عنه الكروب وضحه من اجله وجله بسيفه الكروب وشيمته التاريخ سجل زودها اشكثر حماي الحمه درب شبول على املاكه الزلم وطراد الخيول وبمبادئها على الباطل تصول والاشبال اتحمل شيمة عودها علي الدربهم بساحات القتال وجانوا يحضرون هالصفوه الابطال بامر والدهم بديوان الابطال تنفذ امره وتبذله لمجهودها ارتووا من منهل العصمه بهالصفه اتربوا ابحجر النبي والمصطفى اتغذوا بمرضع العفه والوفه وحافظت عهده اوفت بعهودها وشوف جم مره كم هاشم نهض بتضحياته وبامر عوده احتفض نفذ اوصية ابوه ولا رفض والقرارات احتفظ ببنودها مثل ما آمر الكرار العجيد ونص على شبله كمر هاشم الحيد طبق ونفذ وصيته اويه العضيد من توزم للحرم بورودها احتفظ عباس بعهد عقد الوله حتى مرت واقعة طف كربله امن المدينه كفل ضعن العايله حمل رايتها اوكف بحدودها هاي خوة كمر هاشم ضوه العين من سمع صرخاتها لخدر الدين حمل جوده واعتنه لماي المعين وللشريعه كشف عنها اجنودها ونزل من مهره وعلى الشاطي انحدر لاجن امن العطش دلاله انفطر وراد يروي احشاه من ماي النهر عيت الروح اتحظه بمكصودها نفسه عيت يروه من ماي الزلال من ذكر حال الرضايع والاطفال كال ماي اشرب وعطشانه العيال اوتوج نيران العطش بجبودها شلون ماي اشرب وعطشانه الحرم عايله واطفال تصرخ بالخيم جم طفل من الضمه جبده انجسم انعدم من حر الهجير اوجودها بالنهر للماي من جفه رماه ويلتهب جمر الضمه ابلبة احشاه ذكر حال حسين واطفاله وضماه وجمرته البيهه انفطر جلمودها ترس جوده ولاح ظهر امطهمه اتوجه امن العلكمي لمخيمه دارت اعليه الاعادي المجرمه وبجرايمها اغضبت معبودها