القصيده لشاعر الكاظميه المرحوم ملا حسن الكاظمي
امتك تنخاك يا مذخورها = من هظم هذا الزمان وجورها
امتك تنخه وتحشم يالعميد = تلهج باسمك بكل لحظه وتعيد
ابد ما غيرك يأمنهه وتهيد = حتى باسمك ينجلي ديجورها
الك تشجي اليوم من جور الايام = موجله وجاسي نواديها الظلام
تايهه ومتعلكه ابحبل الاوهام = وباسمك يعم الامان بدورها
وتنسج لهالناس ثوب امن الامان = والكلوب تهيد من جور الزمان
هاي ساعات الفرج والوكت حان = ابنهضتك عدل نهج دستورها
نهضتك يبن الحسن صارت فرض = جيف عن اعتابنه جفنك يغض
كوم سل السيف بيدك وانتهض = وحشم انصارك ينور ابدورها
اطلب الرخصه امن اله العالمين = وبيمينك زم لواء المسلمين
يا ذخر هاشم يسر الفاتحين = انت هيبتها وعمدها وسورها
اطلب بثارات اهل بيت الرسول = ثار بنت المصطفى البضعه البتول
وثار حماي الحمه فحل الفحول = واصرخ بعبره بكلب مجمورها
وصيح يالمهدي ودمع عينك يسيل = بثار ابو محمد شبل حامي الدخيل
واذكر مصيبة السجاد العليل = ولحرب سفيان جدد طورها
او لمن هلالك على العالم يشع = للبقيع اوصل يضيغم يا ورع
انظر كبور اهلك وأجري الدمع = اعداك ليش امهدمين كبورها
واذكر مصاب العليل ومحنته = اويسر عماته اوخواته وعيلته
ما جرت بالكون مثل مصيبته = بالكلب هيهات تطفه جمورها
عــــدد الأبـيـات
19
عدد المشاهدات
3438
تاريخ الإضافة
27/02/2013
وقـــت الإضــافــة
5:11 مساءً