كون من تلطم على حسين ابخشوع=او كون جابر بيك دوره ايمثله واليطيح امن اللطم لاما يطيح=الكَاع هيه اتجره حتى اتقبله اولَوَنْ لطم الإيد مايشفي الغليل=كون بالزنجيل جتفك تهدله حتى مبغض حيدره ايشوف الولاء=او ينثبتله اشلون معنه المرجله اوكون ترهب كل عدو ابدكَ الصدور=اوكون صوت اللطم يوصل كربله حتى كلهه اتشوف انصار الحُسين=اوحتى تنذل حيل نبلة حرمله اوكون ينزل دمعك ابذكر الحُسين=لأن كل دمعه تعادل قنبله والدمع لوطاح بالقمه يصير=وأبد لاتحتار في هالمسأله لأن كل دمعه تطيح إعلى الحُسين...=بالسماء اترفعك أعظم منزله اوحتى لوماكو ثواب إبجي عليه=اوكل وكت كون انت دمعك تهمله اوكون دمعك يشرح أحزان الطفوف=لأن حزن الطف ألف معنه إله اوياشرح يكَدر يشرحه اويا كتاب=اويا حقيقه التكَدر إلنه تنقله او ياعقول التدرك ايام الطفوف=لو ملاك أيدوخ لَمَّن نِسأَله لأن راس حسين قرآن الحياة=والرمح من شاله كَام ايرتله اولأن كَبر حسين ظل قبله اومنار=والأرض كلهه تظل تتوسله حسين وين ايصير في يوم الحساب=هو جنه .. اشلون جنه اتصير إله ؟! والجواب ابذهني واضح .. بل أكيد=اوماكو غيره ايصير حل للمسأله جنة الفردوس تسكن بالحُسين=لأن أوسَع منهه وأعظم منزله