كون من تلطم على حسين ابخشوع         او كـــون جـابـر بـيـك دوره ايـمـثله
والـيـطيح امــن الـلـطم لامـا يـطيح         الــكَـاع هـيـه اتـجـره حـتـى اتـقـبله
اولَـوَنْ لـطم الإيـد مـايشفي الـغليل         كــــون بـالـزنـجيل جـتـفـك تـهـدلـه
حـتى مـبغض حـيدره ايـشوف الولاء         او يـنـثبتله اشـلـون مـعـنه الـمرجله
اوكون ترهب كل عدو ابدكَ الصدور         اوكـون صـوت الـلطم يـوصل كربله
حـتى كـلهه اتـشوف انصار الحُسين         اوحـتـى تـنـذل حـيـل نـبـلة حـرمـله
اوكـون يـنزل دمـعك ابذكر الحُسين         لأن كــــل دمــعــه تــعـادل قـنـبـله
والــدمـع لــوطـاح بـالـقـمه يـصـيـر         وأبــــد لاتــحـتـار فـــي هـالـمـسأله
لأن كل دمعه تطيح إعلى الحُسين...         بـالـسـماء اتـرفـعك أعـظـم مـنـزله
اوحـتـى لـومـاكو ثـواب إبـجي عـليه         اوكـل وكـت كـون انت دمعك تهمله
اوكون دمعك يشرح أحزان الطفوف         لأن حــزن الـطـف ألــف مـعنه إلـه
اويـاشرح يـكَدر يـشرحه اويـا كـتاب         اويـــا حـقـيقه الـتـكَدر إلـنـه تـنـقله
او يـاعـقول الـتدرك ايـام الـطفوف         لـــو مـــلاك أيـــدوخ لَـمَّـن نِـسـأَله
لأن راس حـسـيـن قـــرآن الـحـيـاة         والــرمـح مــن شـالـه كَــام ايـرتـله
اولأن كَـبر حـسين ظـل قـبله اومنار         والأرض كــلــهـه تــظــل تـتـوسـلـه
حـسين وين ايصير في يوم الحساب         هـو جنه .. اشلون جنه اتصير إله ؟!
والـجواب ابـذهني واضـح .. بل أكيد         اومـاكو غـيره ايـصير حـل لـلمسأله
جـنـة الـفـردوس تـسـكن بـالحُسين         لأن أوسَـــع مـنـهه وأعـظـم مـنـزله