هونك ياظعن هونك = هونك لا تسچ ابعيد أخاف ابعيد يردونك = وين الحادي بيك ايريد هونك يالظَّعَنْت ابليل = وين اتْريد بيهُم وين كل اهلي اُوْعَمامي اوْياك = وخْواني وُبوي احسين گِلَّه إلْمَن عِفِت دارَك = ولْمَنْ بالأهَل ناوين تِنوح الدار وي نوحي = تِزيد الآه بِجْروحي عْليهُم فَرْفَحَتْ روحي = وَابْچي والبِچَه شيْفيد اهْنا يالظّاعِن ابْهالليل = أحير ابْليلي لو ليلَك عِليله اوْ كِلّي ويل إبْويل = وين أگْدَر عَلا ويلك ليل الوحشه خانِگْني = مِنْ هالليل أنَه إدْخيلَك إفْراگ الأَهَل ياذيني = لَجْلَجْ دمعتي ابعيني وين أمّي التُواسيني = اوْ يسْمَعْها الگَلب ويْهيد وين ايْريد حاديكُم = هالطَّوَّح يِمينه ايْلوح لا بيَّه وَصيح إبْصوت = صوتي امْن البِچَه مَبْحوح عِليله والگَلب مالوم = زدتو اجْروح فوگ اجْروح لا مِنْكُم خَبر يَحْباب = أوْلا چَف إلْ يدِگ الباب إمْن الفُرگَه دِليلي انْصاب = اوْ لا فاد الجَرح تَضْميد أتْفَكَّرْ مَحاري البيت= مِنْ كِلْهُم صُبَح خالي أصيحَنْ وين راحو وين = عافوني الْسُگُم حالي أهْلي اوْ لا خَبَر عَنْهم = عَسَنْ لا يرْخَص الغالي أعالِج علِّتي ابْروحي = وَگول الموت أشْوالي حِسَبْت احْساب مَلّوني = عِليلَه اوْ مايريدوني لَوَنْ عَلْبال ظِكْروني = أوْ خَذوني اُوْ ياهُم إيد إبْأيد صار النّوح من فَنّي = وانَه الفَنّي أسَكْتْ الرّوح تسيل اِدْموم من عيني = أوْ مِنْ گلبي تِنَدّي اجْروح صُوَرْهُم مالْيات العين = أُوْلا عَن عيني صوره اتروح گلبي افراكهم سَلَّه = ماي ابعيني ماخَلَّه عليله اوْ زادني عِلَّه = حيلي مِنْ ولَمْها ايْبيد أنْشِد مِنْ مَحاريها = أوْ لا مِن شافْكُم بيها اَنْشِد باب باب أنْشِد = غايب ليش راعيها ظلَّت خاليات الدور = راح الچَان ماليها عنكم لو نِشَد خطار = شَگِلَّه يالهجَرْتُو الدار أگول الوكت بيها اندار = اوْ لا ضيغم رجَع لا حيد