إخِذ روحي و اخِذ گلبي علي ويّاك = يالاكبر لا على المظلوم تعِز ادماك آنه امّك و احشمنّك يضي عيناي = يروح الروح ينبته المن روابي احشاي وَ حقِّي اعليك يوليدي و غلاة ارباي=نخيتك لا تخيِّيبني و انه اترجّاك أبوك احسين غريب و لا تعِز عمرك =و هاي الگوم وسافه اليوم تنتظرك عليك الله روح و لا تعِز نحرَك=و خلِّيني بعد فرگاك اوِن و انحَب للموادَع إجيتك حلّت الساعه=أمّك آنه للتوديع ملتاعه و احس نار النوايب بيّه لذّاعه= چنِت أتمنّه عمري ينگضي ويّاك حيف اتروح و اظَل ابلوعتي و ونِّي =و اصيحن راح من عندي علي إبني زماني اعله النياحه ابغيبته ايذبني= و هالصيحه أصيحنها فلا أنساك إخِذ گلبي و خَل بيه گلبك امدرّع = گلبي ما يهمني بس إلي إرجَع ما أگدَر أشوفك يبني بالمصرَع = خلّ اتروح روحي و ريت اتفدّاك يا ما ساهرِت يا ما أنه الباريت = يبني ابكبري ترعاني أنه اتمنِّيت أفگدَك بالعجَل يوليدي ما ظنِّيت = لچن يبني للميدان الله اوياك