حيدر حيدر= يا إمامي ساقي الكوثر= يا إمامي إنته التِنجّينه = حيدر يوالينه فطرتنه و بينه المشاعر ، تكشِف أسرار الضماير = حُبَّك يحيدر، ياعلي مفتاح گلْب الموالي ، و بمحبِّتك ما يبالي = وبإسمك يجهَر ، ياعلي دگات گلبه و هيامه ، بس انته حُبّه و غرامه = يا ساقي الكوثر ، ياعلي إنته الأوَّل و انته الآخر = علي علي إنته الباطن وانته الظاهر = علي علي الهالسبب نادينه=حيدر يوالينه دين المعبود و كيانه ، يا محور كل الدِيانه = ودرْب الهدايه ، ياعلي يالبسمك تحله الإمامه ، و للمؤمن إنته العلامه = بيك الولايه ، ياعلي وبدربك حين اهتدينه ، بايعنه و من ابتدينه = حتّى النهايه ، ياعلي إنته الما نتنازل عنَّك = علي علي والِّي انريده انحصله منَّك = علي علي شيعتك تدرينه=حيدر يوالينه يا مُظْهِر كل العجائب ، يالتحضَر وكت النوايب = ننخاك وتحضر ، ياعلي كلمن يتمنَّه السعاده ، يتشهَّد ثالث شهاده = واسمك يتكرَّر ، ياعلي يالسرَّك سر الإلهي ، والشخصك محَّد يضاهي = يا فارس خيبر ، ياعلي خصَّك بارينه ابأسراره = علي علي و كل العوالم محتاره = علي علي و بأمُر بارينه=حيدر يوالينه معجزة رب الجلاله ، يا روح الحق و العداله = زكي عملنه ، ياعلي غايتنه شاطي السلامه ، و منجانه يوم القيامه = إنته أملنه ، ياعلي مرفوعه اچفوف الضراعه ، و منَّك نترجَّه الشفاعه = يالتشفع النه ، ياعلي يالحبَّك مرضاة الربنه = علي علي من حبَّك ناخذ مطلبنه = علي علي وبالمحشر تروينه=حيدر يوالينه يا منبع بحر الفضيله ، يا أضمن و اسرع وسيله = بيك اعتقدنه ، ياعلي يالغالي احنه و ما نغالي ، يا أعلى من كلِّ عالي = رغم الِتضدنه ، ياعلي إنته الأهل و العشيره ، و انته الأمل و الذخيره = غيرك اشعدنه ، ياعلي و خليسمع كلمن عادانه = علي علي ما تحله ابغيرك دنيانه = علي علي و رجوة أمانينه=حيدر يوالينه