انـــه أمـــك يـجـاسم         لا تــخــفــي عــلــيَّـه
هــذا الـيـوم عـرسـك         لــــو يــــوم الـمـنـيّه


رفَّـــت عـيـني يـبـني         وانـــه الـحـنـه بـيـدي
او گلــبـي هـالـلّكَدني         يـالـتـسري ابــوريـدي

گلــت اشـظام وكـتي         او يـاعـمـله الـعِـمَلْتي
عُگب الـشـيب خِـبْتي         رمـلـه اشـهَـل الـبليه




يـراعي الـشيمه گلّـي         ونــتـه ابْــن الـمْـشَيَّم
اشعدهه الگوم هاليوم         حــاطــت بـالـمـخـيم

يـجـاسم گلـبـي داري         يــــوم الـعـفـت داري
يـــلچمْـــنـــي وداري         دَرب الـــغــاضــريَّــه




اخــاف اتــروح عـنـي         وخـاف اتگلـي روحـي
أردإلْــمَــن يــجـاسـم         اتـريـداوْيـاك روحـــي

عـنـدك روحـي سَـلْها         خـوفـي اعـليك سَـلْها
اشـلون ايـصير سَـلْها         او روحـك روحـي هيَّه



جَــدِّيــنـي يَــشـوفـي         أوْلا تُـطْـفه يَـشَـمْعي
رمـــش الـعـين انـتـه         او هـل إعْـليك دمـعي

يــجــاسـم لاتــذبـنـي         اخـلافـك مِــن يـلِمْني
وانـــه الـكُـبُر خَـذنـي         او يـاهـو إخْـلاف إلـيَّه




حَگْ يَــبْـنـي طَـلَـبْـتَـه         إرْخُــصْــلـي يــغـالـي
جـيـت اويــاك ابـاريك         بــاريــنــي يَـــوالـــي

إذا عـالـفُـرگه يـبـنـي         ابوسط الچفن حطني
أوْ بـيـدك گوم لـفـني         او عـوف الـموت اليه




هـــاذا الــجِـزَه مِـنَّـك         ردْتَـــــك مــاردِتْــنـي
يـجـاسم والـرِّبَـه ذاك         تـلـعَـب فــوگ مَـتْـني

اشـعـندي مـن بِـدالك         وانـــه اتــربـه جـالـك
اشـلون اطـاك حـالك         تــعـوف امــك سِـبِـيَّه



أسْــمَـع بـالـفَـلا ويــد         مـــوش إبـعـيد عـنـي
ظـنـها الـزفـتك هــاي         لـــو هـالـخاب ظـنـي

هــاي الـناس حـاطت         او دايـــر حـبـل دارت
روحـي اتخاف صارت         اعـلـيك ابـهـل مـسيَّه




إتْـلـوگ اعـلـيك ادري         لامَــتْ حَــرُب بـيـدك
لاچِن لا يَـــجـــاســـم         بِـــتْ عـمَّـك تـريـدك

الـليله اَنْـصُب الحوفه         او صَـحْن الحنه ادوفه
اوعرسك يَبْني أشوفه         وَطِـــــش الـواهْـلِـيَّـه