مـن الگظـاها بـجمع مـاله وعدّده         اخـذ حكمه وشوف ربّه اشواعده

يـالـتلم اسـنـينك أمــوال وذهــب         مــن تـمـر هـالآيـه تـقراها بـكثب
انـته تـجمع بـيدك الـنارك حـطب         والله حـاشه ويـاك يخلف موعده

يـالسعيت اسـنينك اتـزود الرصيد         وتگظـي ليلك تحسب وترجع تعيد
مـانـفع قــارون گبـلـك والـرشيد         والـمـثـلـهم بـالـسـعير امـخـلّـده

اتـخبرك الآيـه انـزلت بأعظم أمر         هـاذي الأمـوال الـسعيتلها الـعمر
إلــك تـحضر بـالحشر نـار وجـمر         وتـحـتـويـك الـتِـطِّـلِـعْ عـالأفـئـده

الـمال مـينفعك لـعد نشر الكتاب         يـنگلـب ضـدّك اذا حـل الـحساب
عـنه لـلباري اشتحضّر من جواب         وانـتـه عـمـرك بـيـه كـلّه امـبدّده

واضـحـه الآيــه وجـلـيّه ومـحكمه         سـلـطة الأمــوال سـلطه واهـمه
اتگودك بـحـبل الـمسد لـلحاطمه         وهـذا مـنزل مـاكو شـك بمسنده

اخـذ مـن هـالآيه مـوقف واستنير         وانـطي حـق الله وتكرَّم عالفقير
اتـعيش دنـيه وأخـره بملكك أمير         وتـشـتري بـيها الـجنان الـمسعده

اخـتـبـار الـمـال بـالـدنيه عـظـيم         الله حـين انطاك من چفّه الكريم
شـلون انـته اتـصير طـمّاع ولـئيم         وبـيـه دَيــن ولازم انـتـه اتـسـدّده

اخــذ مـن هـالآيه يـالمؤمن درس         إكـــرم ولاتـتـبـع أهــواء الـنـفس
لـلـزكاة انـطيها وانـطيه الـخمس         اتـردلك أضـعاف وشفيعه امأكده

اسـتـثمر الأمــوال دنـيـه وأخــره         وتـاجـر الـداريـن بـيـهن مـفـخره
ايـسحله والله الـنارها من منخره         النفسه تبقه اعله الظلاله امعانده

اسـتشهد بـحكمة علي خير الأنام         مـاجُمع مـن مـال بـالدنيه وأقـام
إلّـه عـن بـخلٍ جـره أو عن حرام         مـن الله هالحكمه وعقلنه امأيّده

اخــذ مــن قــرآن ربّـك هـالنصح         وإمـشي بيه ومثله فرصه ولاتصح
لاتـــدوّر ويـــاي دوّر ويـــا ربـــح         هــوّه الأيـصـدره بـرضـا وايـورّده

هـوّه راعـي الـمال والعز والشيم         بـخـتـياره بـالـك اتـحـصل الـنـدم
إكرم إكرم من صفات الله الكرم         والـكـريم اعـيـون ربّــه اتـشاهده