وربّ اﻻﻵء ، بالزهراء = نقسِم بيها التصديق ، و التوثيق = نقسِم فائِزَه الشيعه = باْمْر الشفيعه لجل الزچيّه الكون = قُطبه و مَداره من رحمة المعبود=تملك قراره و سرها الِّذي مَكنون=عالي اعتباره و الما يِأمِّن بيه = يخسر خساره إلها اﻵيات ، من كل ذات =تشهَد سر الإيجاد، الله الراد= تشهَد كل الوسيعه = باْمْر الشفيعه خالق هاي اﻷكوان=خصها ابفضائل فرّدها باﻷوصاف = أعلى المنازل بضعة مُحمّد هاي = و المعنه كامل بالكوثر و اﻹيجاز=تكفي الدلائل إلها التفضيل ، و التبجيل= واجِب و ابكل تعظيم ، بيها انهيم=واجِب قلعه وْ منيعه = باْمْر الشفيعه هالقلعه ملفه وْ دار =إلها الوِفاده للملتِزِمها اتصير=دار السعاده سكّنها ابوسْط الروح = و حُبها ابفؤاده نرفدله هالمضمون = ياخذ مَفادَه من عِدها امراد،كلمن راد =عِدْها اصكوك الغفران،و الرضوان =عِدْها و كل الوسيعه= باْمْر الشفيعه صكّه الِّي مو مختوم =يوم القيامه بس يجذب الحسرات =منّ الندامه و الِّي ابحُب الزهراء=خَلّه اعتصامه ايجوز السراط ابساع=ينجه ابسلامه و يحضه ابتصريح،بالتلويح = ينجَح لاشك ايفوز،جنّه ايحوز =ينجَح أوّل طليعه = باْمْر الشفيعه شيعتها امن النيران=تملك فطمها يالعندك اﻵمال = زين افتهمها هالفرحه إلها و هاي = فُرصه اغتنمها و خلِّي التضِد اتروح= هيَّه وزعِمها ما تحمل زاد، باﻷحقاد = تنعَد أهل الخُسران،للنيران= تنعَد ابمعبَر تفريعه= باْمْر الشفيعه