وين اﻻطياب=ما يِوَدْعوني وَسْط لِتراب=خليِدِفْنوني گرُّبَت منِّي المنيَّه=دِنَت آجالي وَ لا حِضرَت بنيني=تحِنّ ابحالي تصِد عيني تِعاين=نزِلْهُم خالي حسْرِتي بفّادي ما إجَوا أولادي تشبَح العين=يمته يلفوني خلَص عمري حزينه=أعاتب دهري ما أودِّع بنيني=نهاية عمري ابسهم قاسي رماني=وحملته ابصبري امأيِّسه و شترجّه ربي أمري اتفَرْجه ابنزعة الروح=لو يحضروني أربعه رجوة حياتي=عليها ابحسره وَلا يوم الفگدْهُم=هِمَلْت العبره عمري خلّصته أحاتي=عزيز الزهره من مشه وماجاني لجله كل أحزاني عنِّي من راح=خابت اظنوني والِهه ابشهگة دليلي=گِطَعْت انفاسي ما أظن راعي الحميّه=تركني و ناسي ردْته چان الليله حاضر=گعَد يم راسي ايخلِّي عينه ابعيني ايمد إلي إيديني و ساعة الموت=يطبگ اجفوني أربعه مجتمعه يمِّي=ردِتها الليله من بعَد تجهيز نعشي=تگوم اتشيله و عليّه اتراب گبري=بديها اتهيله ابگلبي تبگه الحسره و منكسر شيجبره أمهم آنه=و ما يزوروني