(موشّح )
ماتت البضعه بحزنها غاضِبه=وينه راعي الثار حگها ايطالِبه
ماتَت الزهره ابضلعها المنْكسِر=والِّتي كسرَت ضلعها اشتعتذِر
يمته يوم الينگطع كل چف جَسِر=وينه راعي الثار يومه انراقبه
يمته نسمع يالثارات البتول=الوعد حان اشيمنع اشعَنَه اشيحول
هالوعد ما ينّسه و لا هَم يزول=انريده ينهض و الدفعها ايعاقِبه
يدري غايبنه على الزهره اشجره=ابحزِنه هاذه اليوم جينه انشاطِره
انواسي جده المصطفى خَيْر الوره=اگلوبنه اعلى الزهره جمره لاهِبه
زين لو يطفي الحزِن سيل الدموع=اشلون ننسه المحسن و كسْر الضلوع
شيعة الزهره ابحزنها الجت تلوع=تبچي طول العُمُر تنعه نادِبه
ما يِبَرْد اگلوبها بَس الدمِع=اتريد چف الِّي دفعها ينگطِع
كل مآسي العتره منّه تفترِع=و كل رزاياهم إجت مِتعاقِبه
رضا عزيز
2012
2012
عــــدد الأبـيـات
11
عدد المشاهدات
2367
تاريخ الإضافة
25/04/2012
وقـــت الإضــافــة
7:53 مساءً