رفّ جـنـح جـبـريل عـالهم فـززه         وأعـلن ابـرّج الـفلك نـصب العزه

نـاده جـبريل ابـحزن يـهل الحزن         شدو بحر من الدمع طرف الجفن
الليله عرش الهم نسه همّه ويونّ         الـليله خـلو الـنوح يـكتب مـعجزه

الـليله كـل دهـر ايـتنصّب مـوكبه         والـعـوالـم مــأتـم اتـحـط نـاحـبه
الـماضي للحاضر يواسي بساچبه         وكـلمن بـصدره الـمواجع محرزه

الـليله يـا صـبرالذي صبره ايحمل         فـارگ اعـيون الأهل سيد الرسل
اتگابـلـو اهـل الـعبه بـدمع الـيهل         يـاسـهـم بـيـهـم رحـيـلـه غـــرّزه

اتگابـلو شـبلين ابـو الـحمله بدمع         كــل گلــب مـنـهم تـلّـوع مـنفزع
فــرگت الـهـادي ابــد مـا تـنجرع         مـصـابه بـالمهجه تـنصّب مـركزه

اتگابـلـو بـالـنوح ظـنـوة فـاطـمه         والـمـهج بـالـهمّ تـجـلّت مـظـلمه
والـحزن شـد عـالنوا ظـر ملحمه         نـزلـت الـخـدها الـمـدامع راجـزه

طـاحو ابلهفه على جسم الحبيب         وظـاگت اصدورالهواشم بالنحيب
لا تـغـيب بـعـبره صـاحو لا تـغيب         عگبـك اسـهام الـهظيمه امـغرّزه

طـاحو ابـدمع الـيهل عـالمصطفه         مـن عگب عينك عله الدنيه العفه
عـنّـه يـا جـدي جـفن عـينك غـفه         وأوجــرت بـيـنه الـهموم امـحيزه

والله يا جدي ندب صوت الحَسن         هـذا دلالـي اعـله فـرگاك انسحنّ
فـرگتـك يـا طـه بـيدر مـن مـحن         واصـبحت روحي ابحزنها امطرّزه

نــاده ابـو الـيمه يـسلوة مـهجتي         عگبــك اشـلـون وتـهـيّد دمـعـتي
وانـته يـا جـدي الچنـت كل دنيتي         يـا فـكر يـنسه اعـله گلبه ما جزه

مـرّدت صـدرالوحي كـل هالصور         بــالـوداع ولـوعـته گلـبـه انـفـطر
ذوّ بــت چبــده الـمـواجع والـقهر         والــمـواجـع لـلـمـناحه امـحـفّـزه