ضـجّـت الـطـه الـملك مـفجوعه         والـوداعـه اتـهل دمـع مـجموعه

صـاح جـبريل ودمـع عـينه يسيل         اليوم بحر الغانمه ا يشد الرحيل
أنـــوه دلالـــه ايـتـعـنه لـلچفـيل         نـا حـت افـلاك الـوجود ابـلو عه

هــتـف جـبـريل ويـنـادي هـاتـفه         هـاذه ابـو ابـراهيم عـنوان الوفه
الـشوفته اعـيون الـجلاله لاهـفه         والأرض لـجـلـه تــونّ مـوجـوعه

اسـتـأذن الـباري ونـزلّه ابـشدته         يـحـضـربساعة وداعــه ولـوعـته
ايـهوّن اجـروحه ويـواسي حـالته         وبـالـلحد بـيـده يـوسـد اظـلوعه

وصـل لـيه وادّه جـبريل الـسلام         واخـتـنگ بـالعبره واشـتد الـهيام
يـا حـبيبي ايگلـه محبوس الكلام         وروحـي لجلك بالحزن مصدوعه

يـا حـبيبي ايگلـه والـمدمع يصب         هـلّه هلّه موادع احباب اشصعب
تـلتهب نـاره ويـشب منها الگلب         والـخـواطـر عـالـجره مـفـزوعه

يـا حـبيبي الأرض مشدوها وتونّ         كــدّ رتـهـا الـنـايبه وثگل الـحزن
والملك صفّت على شوفك تحنّ         الـيوم روحـك لـلعرش مـرفوعه

ايگلـه اريـدك يـمي يالغالي تظل         بـالرحيل اتـعيني حـين أ يـحصل
كلفه بعيوني وصعب فرگه الأهل         وبـآلـم گطــع الـنـفس مـتـبوعه

ايگلـه ابد لتعوفني بهاذه الظرف         شـوفـتك والله تـهونّلي ا لـكلف
وجـنحك اعـله الراس حنيه يرف         ايـخـفف ابـوقـع الأمـرواشروعه

يــا حـبـيبي لا تـفـارگني وتــروح         ولا تـخـليني بـآ لـم وحـدي انـوح
سـاعة الـروحي لـعد ربـها تروح         ولـيه مـن عگب الـسفرمرجوعه

وزادت الــونّـه وتـعـلّـت مــارده         چبــدت الـهادي وتـسلّم مـوعده
ســا نــده جـبريل بـيده اوسّـده         ونـزّلـه ابـلـحده ويـهيل ادمـوعه