( زمــــــــــــــرة الـــــــشــــــر )
زمــرة الـشـر اصــدرت
مـرسومها وعـالحسن سـلّت مواضي
سمومها
زمــرة الـشر صـدرت فـتوه
وقـرار لآل أمـــيــه رادت اتــــرد
اعــتـبـار
تــاخـذ بـثـار الگظـاهـم ذو
الـفـقار ونــفّـذت جــعـده أمـــر
مـحـكومها
نـفـذت جـعـده عـلـى چبــده
الأمـر وأسگتـــه الـسـم وتگطّــع
بـالـغدر
ولاچن الــجــده تــنــزل
هــالــذچر لا چن الـظـلمه الـبـدور
اخـصـومها
تـكـره الـظلمه طـبعها كـل
شـمس رادت اتــرد لـلـحكم لـيـل
الأمــس
وتــرجـع الـمـلـتها أوثــان
الـرجـس صدها شبل المرتضه اعله اخشومها
صـدها شـبل المرتضه وچبده
الدرع وحـمّـل اهـمـوم وهـظم مـا
يـنجرع
أمـسـه دار الـمـصطفه بـي
مـنفجع والـمـواجـع مـــن دلـيـلـه
إعـلـومها
والـمـواجع مــن آلــم گطــع
الچبـد سـجـلت نـهـج الـحـزن مـنـه
ويـمد
وكـل صبور اعله الحسن من
يستند حـيـث مـن هـمّه أفـرعت
لـهمومها
حـيث مـن هـمّه أنـفرع للهم
فرض وإلـتـعـت مــنـه الـعـوالـي
والأرض
طـود بـظلوعه الـمواجع مـن
تـرضّ وگلــبـه لـلـحسره رهـيـن
إلـزومـها
گلـبه بـالحسره اشـكثر والهم
طفح ويــا بـعد چبـدي الچبـد مـنه
انـجرح
اتـواسـط اسـهام الآلـم لايـج
صـبح ودم سـمـانه اتـهـل عـلـيه
اغـيومها
دم تـسيل اعله الحسن أرض
وفلك وبـنـحـيب اتـعـنـت الــداره
الـمـلك
مــرّدوهـا مـهـجـته وحـالـه
انــدرك وانـزلـت تـنعه اعـله فگده
انـجومها
نـزلـت انـجوم الـسمه اتـهل
الـدمع وأگبــل ايـون ويـه مـحرابه
الـشرع
الـليله شـبل الزهره بالسمّ
منصرع ولــجـلـه يــاعـيـن اتـهـنّـه
بـنـومـها
فگد ابـو مـحمد سهم صاب
الحشه والله مـن عگبـه الـمچارم
مـوحشه
يـتّـم گلــوب الـهـواشم مـن
مـشه ولـسـه تـنـحب كـربـله
ومـظـلومها