نـحـبـت الـدنـيـه ونــعـه نـاعـيـها         راح بــحــر الـمـعـرفه وراعـيـهـا

نـحـبت الـدنـيه وتـهـل دم الـدمع         والـشمس أخـفت ضـواها منفزع
امـسه بـحر الـمعرفه بـي منفجع         بـروح ابـو مـوسى رحـل ساعيها

سـالت ادمـوع العلم راح الچفيل         وبـحزن جـن وأنـس تـنعه الخليل
مـرّد امـصاب الـولي لـبّ الدليل         وأفگدت ســـوح الـفـكر داعـيـها

يــتّـم أركــان الـعـقيده بـروحـته         وبــيـده هـالـمـنهج تـعـلّت رايـتـه
مـصـدر أحـكام الـمواجع مـهجته         بـسّم ربـات الـشيطنه امگطّعيها

حـــدّر بـمـركب صـواريـه الآلــم         والچبـد من شدت اللوعه انجسم
اتـحـمل الـسـم ومـواجع وإلـتزم         وروحــه بـالهم الـعده امـصدّعيها

آه صــاحـت شـيـعتك دار الـعـلم         يــا سـلـيل الـغـانمه وبـيدر حـلم
الـليله لـيك أمـر الـحزن كله يهمّ         والــدمـوع الـــفگدك امـفـزعـيها

الـلـيله لـمصابك نـوا ظـرنه تـهل         والـصـدر يـكـتبلك بـلطمه رُسـل
يـا فـرع لـلمصطفه ايـرد لـلأصل         ومـن اصـوله الـمعرفه مـفرّعيها

نوح يا صوت الشعر وأنعه المشه         وانـتـحب لـلگطّـعوا مـنه الـحشه
الـليله روحه اتلوج بالهم موحشه         والـشـمـاته بـغـدرتـه امـروعـيـها

الـليله لـبن الـباقر انـمرّد الـصدر         وخـلّه لگلـوب الـمله حـزنه يـطر
وخـله مـدمعنه عـله الـراحل يدرّ         دمـعـتـه بــنـار الـلـضـه انـوعّـيها

الـليله روحـك يـالموالي امفوّضه         أتـهـيّج بگلـبـك مـصـايب رابـضـه
بيها مرضه الباري والهادي اتحظه         وألـــك آيـــة مـغـفره امـرجّـعيها

الـليله عـلّك يـالمحب دمعك حرزّ         ولا تـخليه اعـله أبـو الـكاظم يعزّ
عــن مـسار الـحجّه بـالك تـنفرز         بـيـده دمـعـات الـعـزه امـودّعيها