( بچت دم الشمس ) مغبر الكون وبچت دم الشمس=عالنزف چبده وتعذ ّب بالحبس هاجت الدنيه بحزن كل السنين=تنعه ابو طلبه الرحل منها سجين وأردفت همها اعله شفرات الونين=غدرته وحيد بغرب گوم الرجس رفّرفت سود البيارغ للزمان=وانتحب صوت المأذن والأذان وأحزن القرآن إله وهزه الحنان=خلّه چان بوحشته وصوت الأنس هبت اغيوم الوجود امدلهمه=وأمطرت من دم حمر ليه السمه بكل گلب من شيعته أنحط مأتمه=ويبقه للموت بهمومه منفرس يا مهج عگب الجره الحاله تسر=ويا گلب ينسه النعش فوگ الجسر ولسه ظهر الدنيه بالهم منچسر=والكواكب للحشر تنحب همس چني أسمع عالجسر نوح ونحيب=والفلك يبچي دمه مصاب الغريب مصاب حته الطفل من ثگله يشيب=لسه من حزنه النوايب تلتمس امصاب ليه الكون والدنيه تونّ=من سگم سجانه واهموم السجن ومن آ لم چبده الذي بسمّ ينسحن=دگ اساس مصابه لوعه بكل نفس من ضمه الروح وحنينه العيلته=ومن جرح ذيچ الهظيمه أوّحشته ولوعته الذاب الصخر من لوعته=أتألق بدنيه الصبرأعظم درس الليله يارخص الدمع لمّن يهلّ=ويا گلب لمصابه من نوحه يملّ شاخص بلب الحشه جمره وتحل=وبحمه اظلوعي المصيبه تنحرس الليله لنعه الكاظم ابهل دمعتي=وأكتب الحبه العهد من مهجتي وأنحب وبالهم لطرّز رايتي=عالبچت ليه ابآ لم جن وأنس خلّ ندگ اعله الصدر ليلة مصاب=بالآلم چبد الولي ودلاله ذاب والله دونه اتظل مدامعنه كتاب=ولا تظن عين المتهمله تحس