حـمـل أحـزانه لـبو الـهادي ومـضه         الـليله گلـبي ولـوعته بـجمر اللضه

الـلـيله گلـبي بـيا حـزن لـيه اعـتنه         ولـوعـتي بـصـدري حـرايب چامـنه
وبـحمه اظـلوعي الـمواجع سـاكنه         هـاجت الـليله الـمصاب ابن الرضه

هــاجـت الـلـيله الـمـواجع لـلـجواد         وأعـلن الـخاطر لـبو الـهادي الوفاد
حــشّـم ادمـوعـه وتــوزّم بـالـوداد         وإرتـجـز فــوگ الـليالي الـمغرضه

عـيني لـمصاب الـولي الـليله تـهل         والگلـــب لـهـمومه شــرّع يـمـتثل
عـالرمت چبـده ابغدرها أم الفضل         وأمـسـت بـدربـه الـمنايه مـعرضه

الـليله لـيله اعـله الموالي موحشه         بـيها ابـو الـهادي نـزف دم الـحشه
ودّع الـدنـيـه بگلــب ذايــب مـشـه         ومـن أثـر سـمّه الچبـد سلّ وگظه

الـلـيله ودع دنـيـته زيــن الـشـباب         بـنار كـبره اتـلگت الشيعه المصاب
ذابـت اگلـوب الـمله الهاذه الغياب         والـهـموم اعـله الـخوافگ عـارضه

صـيحوا واويـلي عله مصاب الأمام         گطّــع أوصــال الچبــد سـمّ الـلئام
نـالـت اسـهـام الـغدر مـنه الـمرام         ظـــل ثــلـث تــيّـام جـثـه رابـضـه

ظــل ثـلـث تـيّـام عـالغبره طـريح         مـثل ابـو الـيمه الگظـه بطفه ذبيح
لـسّـه تـنـحب لـيـه دنـيـانه وتـصيح         والــحـزن بـيـنه مـصـابه امـفـوضه

يــا حــزن بـينه عـلى مـد الـسنين         يـبـقه لـلمحشر عـلى عـاتقنه ديـن
شـما بچيـنه ونـعمي الـعيون الثنين         مـا نـوفّي حـسين شـبل الـمرتضه

كل مصاب ايمرعله الخاطر يطوف         إلّــه ذيچ الـفـاجعه بـيوم الـطفوف
رضتّ اظلوع الوفه وگطّع الچفوف         لـوعـه وبـوسـط الـضـماير نـابـضه

أدري گلـب ابـن الـرضا عمره ينوح         وطـيف ابـو اليمه عله اعيونه يلوح
مــا غـمـض جـفنه ولا هـادتله روح         بـيـها لـلـموت الآ لـم ظـل فـارضه