شعراء أهل البيت عليهم السلام - 25- مظلمه أ براج الكون - للهادي (ع)

عــــدد الأبـيـات
21
عدد المشاهدات
2063
نــوع القصيدة
عامية
مــشــــاركـــة مـــن
تاريخ الإضافة
21/04/2012
وقـــت الإضــافــة
3:38 صباحاً

( مظلمه أ براج الكون ) مظلمه الأرض وبچت دم السمه=حين چبد الهادي سال ويه الدمه مظلمه ابراج الكواكب بالحزن=والفلك بطل مداره وممتحن والملوك بگلب نزلت منسحن=عالرحل مسموم صفّت لاطمه شلون ليله الليل منها يرتعد=أتگطّعت بالسمّ فلذات الچبد لاحزن يوفي ولا دمعه التسد=بهظم راح الليله ظنوة فاطمه ناح ميزان العدل وأجره الدمع=وحزنت الفگده المعارف والشرع وأمسه عرش الغانمه ليه منصدع=چي يلنّه تاج راس الغانمه غدرت ابن المصطفه اچفوف الغدر=وابحقد عالدين فايض بالصدر للرحيم بيا عذر من تعتذر=حين ما ينفع ندمها الناد مه شلون للباري ترد ليه الجواب=شنهو عذرك يلي سببت المصاب ويا جواب اليشفع بيوم الحساب=أبد مالك دار غير الحاطمه بيا ذنب سمّيت دلال الولي=هذا ابن درّ الخلگ كلها علي وحبه خصّه الباري وابفرضه جلي=وعصمته للحشر تبقه قائمه آه صاحت شيعتك يبن الكرام=يالرويت بچبدتك دين الأسلام كل گلب لمصيبتك مأتم أقام=وتنتحب ليك المهج متألمه يا گلب يگدر يواسي لوعتك=سيدي وسمّهم يگطّع چبدتك ومن جمر ذيچ المصيبه بمهجتك=نار تلهب بينه لسّه مضرمه ويلي صحنه اعليك وبلوعة گلب=يومك اعله الشيعه يالهادي صعب نار والله امصيبتك بينه تشب=وبدمعها العين ليك اموسّمه أحنه عاهد ناكم المدمع يهلّ=ليكم ولا عين أبد تجفي وتملّ ولا أبد عنكم فلا واحد يزلّ=سيدي وخل تفهم الموفاهمه
Testing