مـظـلمه الأرض وبچت دم الـسـمه         حـين چبـد الـهادي سـال ويه الدمه

مـظـلمه ابــراج الـكواكب بـالحزن         والـفـلـك بـطـل مــداره ومـمـتحن
والـمـلوك بگلــب نـزلـت مـنسحن         عـالـرحل مـسـموم صـفّت لاطـمه

شـلـون لـيـله الـلـيل مـنـها يـرتـعد         أتگطّـعـت بـالـسمّ فـلـذات الچبــد
لاحـــزن يـوفـي ولا دمـعـه الـتـسد         بـهـظم راح الـلـيله ظـنـوة فـاطمه

نــاح مـيـزان الـعدل وأجـره الـدمع         وحـزنت الـفگده الـمعارف والشرع
وأمـسه عـرش الغانمه ليه منصدع         چي يــلـنّـه تــــاج راس الـغـانـمـه

غدرت ابن المصطفه اچفوف الغدر         وابـحـقد عـالـدين فـايـض بـالـصدر
لـلـرحـيم بــيـا عـــذر مــن تـعـتذر         حـيـن مــا يـنـفع نـدمـها الـنـاد مـه

شـلـون لـلـباري تــرد لـيه الـجواب         شـنهو عـذرك يـلي سببت المصاب
ويـا جـواب الـيشفع بـيوم الحساب         أبـــد مــالـك دار غــيـر الـحـاطـمه

بــيـا ذنـــب سـمّـيـت دلال الـولـي         هــذا ابــن درّ الـخـلگ كـلـها عـلـي
وحـبه خـصّه الـباري وابفرضه جلي         وعـصـمـته لـلـحـشر تـبـقه قـائـمه

آه صـاحـت شـيـعتك يـبـن الـكـرام         يـالـرويت بچبـدتـك ديــن الأســلام
كــل گلــب لـمـصيبتك مـأتم أقـام         وتـنـتـحب لــيـك الـمـهـج مـتـألـمه

يـــا گلـــب يگدر يـواسـي لـوعـتك         ســيـدي وسـمّـهم يگطّــع چبـدتـك
ومــن جـمر ذيچ الـمصيبه بـمهجتك         نـــار تـلـهب بـيـنه لـسّـه مـضـرمه

ويـلي صـحنه اعـليك وبـلوعة گلـب         يـومك اعـله الشيعه يالهادي صعب
نـــار والله امـصـيبتك بـيـنه تـشـب         وبـدمـعـها الـعـيـن لـيـك امـوسّـمه

أحـنـه عـاهـد نـاكـم الـمـدمع يـهـلّ         لـيـكم ولا عـيـن أبــد تـجفي وتـملّ
ولا أبـــد عـنـكـم فــلا واحــد يــزلّ         سـيـدي وخــل تـفـهم الـمـوفاهمه