يـبني لو حلّ يومي وأدنت ساعتي         وصـيـتي تـكـتب يـاحسين بـجبهتي

هـاذي يـبني وصـيّتي بـكامل وعي         لـو لـفاني الـموت ساعة مصرعي
ولـلرحيم بـسفرتي ايـحل مرجعي         واجـــب انــتـه الـتـلتزم بـوصـيتي

يـبني لو حلّ يومي وأنويت الرحيل         وأصـبـح الـسـاني بـمحاچيه ثـجيل
إكـتب ابـنص جـبهتي صوت الدليل         يـــا حـسـين الـبـيها ألـهـج دنـيـتي

گلـبـي ولـسـاني فــلا بـطـل لـهج         يـا حـسين الـصارت الـعمري نـهج
وأدري لــو مـنكر لـفه بـيها الـفرج         أحـتـمـي بـيـهـا وتــهـوّن شــدتـي

يـبـني لــو بـيـها جـبهتي امـوسّمه         مـنـهو الـيـوصل لـجسمي ويـلزمه
ويــاهـو الـــيگدر يـزعّـل فـاطـمه         وانـه إسـم حـسين عـزي وهـيبتي

الـمـن اخــدم يـولـدي هـذا الـعمر         واهـمل ادمـوعي عله الوجنه جمر
لاتـظـن عـدهـم سـهل هـذا الأمـر         ومـا يـجازوني اعـله هـلّت دمعتي

لـون نـبضاته الگلـب تـوگف يطيح         والـلسان مـن ايهدلّ ما ظن يصيح
يـبني اخـتم جـبهتي بـسم الـذ بيح         تــــدوي صـرخـتـها بـدوايـرغـربتي

يـبـني بـالـدم سـجلت عـهد الـوفه         مـا أعـوف حـسين واتـرك موقفه
حـته لـو مـني اذبـلت يـبني الشفه         هـالـعلامه اتـظل تـواصل خـدمتي

شـنسه يبني وشترك من امصيبته         انـسه صـدره وخيل أمّيه السحگته
لــو يـفـارج عـيـني مـنـظر رگبـته         دونـه ريـت الـي إگطـعوها رگبـتي

يـبـني بـين حـسين والـروح أتـفاق         لاريـــاء ولا دغـــش بــيـه ونـفـاق
شلون اعوفه وماحمل عنه الفراق         بگبــري هـذا الـختم نـهج ازيـارتي

اتـعودت يـبني بـضوه حـبه اشوف         وارتوه مني النظر بأرض الطفوف
ولـون أسمه ما اجه وياي الحتوف         مـظـلـمه بـلـيّـاه تـصـبح حـفـرتي

سـلـوتي ابـدنـياي ألـهـج يـاحسين         ولــون مـازوره فـلا تـغفالي عـين
مـنـين اجـيبه هـناك يـوليدي مـنين         اسـمـه الـيـهونّلي لـيـلة وحـشـتي

عــمـري ويـــاه ارتــبـط مـايـنفرز         وچف هـــواه ابـمـهد دلالــي يـهـز
اسـمه دنـيه وأخـره بـصدري حـرز         يـبني مـن غـيره اشيگّظي وحدتي

يـبني غـير حـسين مـا عـدنه ذخـر         حـيـن تـنـصف الـخـلايگ بـالـحشر
وحـايـره الأرواح تـطـلگ بـالـعسر         هـناك حـب حسين أخلص صحبتي

يـبـني يـوم الـبيه مـرعوبه الـنفس         وعـبرتي مـن الرهبه بالهم تنحبس
تـشرق ادمـوع العليه هلّت شمس         وحـبـه الـيگطّـع سـنـاسل رهـبـتي

لـو لفه وكت القضه وصار المثول         وصـار يـشفع للمله هناك الرسول
تـوصـل بـمـوكبها مـتـعنيه الـبـتول         أتـصـيح خــدّام ا لـحسين بـعهدتي

وتـلـتفت كـلـها الـمـله مـتـفاجئين         صــوت يـصـدر يــا إلاه الـعـالمين
ولنّه ابو اليمّه وعله اچفوفه الوتين         يـصيح ربـي بـنحري كـافل شيعتي