هـــاي زيــنـب والـشـمر يـبـرالها         ويـــن سـيـفـك يـاچفـيل اعـيـالها

هـــاي زيــنـب يـاچفـيـل الـعـايله         دوهـنـتها اهـمـوم عـمـلت كـربـله
مـأسـره ودمـعـاتها الــدم سـايله         ونـظـرت الـشـمّات شـلّت حـالها

هـــاي يـاعـبـاس تـربـات الـخـدر         هــاي زيـنـب لـلـشرف آيــة ذچر
چانــت الـها اصـدور خـوتها سـتر         بـس جـثث أمست طريحه رمالها

هــاي زيـنـب يـاوريـث الـمـفخره         الچانــت بـسـدكم يـحيد أمـخدّره
تـرضه تـطلع مـن خـدرها مأسره         والـهـظـيـمـه أتگطّــــع بــدلالـهـا

هـــاي زيــنـب بـالـعيال امـحـيّره         وبـالـصدر عـبراتها أتـحزّ مـسعره
فـوگ نـوگ الـهزل تمشي مكدّره         گوم ســبـع الگنــطـره اتـنـخّـالها

هــاي بــت حـيـدر يـشيّال الـعلم         مـنهو دگ صـدره ولعد ردها ألتزم
ويـاهو غيرك چافل اظعون الحرم         ولـلـكـلافه مـــن تــحـل شـيّـالـها

گوم سـلّ سـيفك يـصنديد الـوغه         شـمر حـقده اعـله الـحراير فرّغه
شـوف دلالـي اشـيگول امـناشغه         يـــا عـمـيـد الـمـوزمـه وخـيّـالـها

گوم ســلّ سـيفك يـميدان الـوفه         وخـلـهن الچفـيـن يــدونّ عـاصفه
ظلوعنه من السوط أمست نازفه         وفگدت اعـيـالك يـخـوي اطـفالها

گوم لـعـيـالـك يــحـلال الــشـداد         انـدارت اعـليك وتـراويك الأصفاد
وآه يـالـوعه الـلـفت زيــن الـعباد         والچفـــوف اتـجـرّحـت بـأغـلالـها

گوم هـاذه الـسوط بـمتوني لعب         وابـن اخوك الحالتي دمعه سچب
يـاهظيمه الـشمرّ حـادينه أنـتصب         والـهـواشـم عـالـوطـيه ارجـالـهـا

حگهــا عـيـني بـالـمدامع فـايـضه         حـيث جـرني الـبال لـلعهد المضه
واذكـرت خـدري يـشبل المرتضه         وهــسّـه يـبـره اجـنـازتي چتّـالـها