( وگعت العباس ) عادت اليوگع يمد اذراعه=ينتچي اعليها وتهوّن أوجاعه لاچن العباس حمّاي الظعن=لمّن الچفين منه اتگطعنّ والعمود وسهم عينه اتجمعنّ=شلون من طاح وتدلّه اشراعه شلون لمّن طاح صارت طيحته=والوطيه الله تمرد چبدته والسهم بالعين زوّد لوعته=لبو اليمّه شلون قدّم طاعه شلون لمّن طاح من ظهرالأصيل=الياكتر محتار من عدهن يميل لايمين اتصير للملگه دليل=ولا شمال اتصير اله منّاعه شلون من عينه السهم بيها وهوه=غمّج ابجرحه وعله الأخره ألتوه ومن عتب زينب تعذ ّب وانچوه=من طره صوت العقيله أسماعه ومن هوه العباس دارت بالفكر=للهواشم شنهو من عندي العذر وللرضيع الصار دلاله جمر=وابو اليمّه شلون أحصل اوداعه شلون بيَّه وسهم البعيني كلف=مامش اچفوفي واحطها اعله النزف واحمل الجود ين وارجع للجرف=هاذه حكم الله وعلينه الطاعه شلون لحسين أعتذر منه وأشوف=نور وجهه وعيني بعيونه تطوف ارد اخبره اتگطّعت مني الچفوف=والدهر خوّان هاذي اطباعه شلون حيره البيها ابو الفضل ابتله=لاچفوف وبيها عونه المگبله وراسه مهشومه شبل عقد الوله=صاحله احضرني يخوي السّاعه صاح يحسين وجفن عينه دمع=وانخبط بالدم عله اللحيه وگع ايگله ياخويه الگلب والله جزع=شعتذر للعندي خويه اوداعه ومن هوه العباس وأگبل شافته=گامت الگاع بترافه اتلگته حظنته بذرعانها اتشم رگبته=وهذا جود الله الصحيح أتباعه