گوم سـل ّسـيفك يـسبع الگنطره         هـاي أمـيّه انـوت رحـيلي مأسره

گوم سـلّ سـيفك يصنديد الحرب         لاتـظـل نـايـم عـلى وجـه الـترب
انـه نـار الـحرگه بـظلوعي تـشب         والـعـده الـسبيتنه خـويه مـحضّره

يـاعـضيدي الـسبيتي اتـريد الـعده         وجـمـرة الـفرگه بـدليلي امـوگده
گوم ردّ بـيـمـنتك ســيـل الـــرده         مـانـي بـظـعونك يـخـوي امـحيّره

مـاني مـن بعدك يبو فاضل حرت         وانـتـه نـايم عـالثره وعـني غـبت
گوم لـيّه بـروحي يـاخويه انـصبت         والـهـزل لـيّـه بـهظمها امگوطـره

گوم يـاشـبـل الـهـواشـم يـاشـهم         گوم سـلّ سـيفك يـجيدوم الـزلم
حـاشه لـن اتـعوفني بغربه انهظم         گوم واطوي اليمنه فوگ الميسره

گوم يـاعـبـاس طــالـت نـومـتـك         صـعـبه يــا سـبـع الـبوادي غـيبتك
شـابـحه اعـيـون الـيـتامه الـجيّتك         لاتگول اچفـوفي خـويه امـطشره

گوم لـمها اچفـوفك وشـد الـعزم         هــاذه مـظـعون الـفواطم يـاعرم
انـتـه بـالـمحمل يـخـوي الـمـلتزم         وانـته ابـن لـيث الـحرايب حـيدره

گوم حــرگت گوم أمـيّه امـخيمك         وداسـت خـيول الأعادي امحرّمك
گوم ابــو فـاضـل تـعلّه امـطهمك         مـاظـن اتـخـليها روحـي امـكدّره

گوم مـانـي اخـتـك نـخيتك يـاسبع         شـلـون تـرضه امـخدراتك تـنفجع
فـــرّت ومـرعـوبه تـتـهامل دمــع         واعـتـلـت نــار بـخـيمها مـسـعره

شـلون تـرضه بنومتك عني تطيل         وانـه مـهظومه وجـمرعيني تسيل
انـده ومـا رد عـليّ صوت الچفيل         ويــنــك اعـلـيـنه أمــيّـه مــأمـره

خـويه چن الـنهظتك مـاظل أمـل         و لا يـحشّم نـغرتك دمـعي الهمل
خـويه معذور وغده جسمك وصل         والچفــوف بـدمّ گطـعها امـعفّره