شعراء أهل البيت عليهم السلام - 41- گوم يالبيك الرجه - للعباس (ع)

عــــدد الأبـيـات
21
عدد المشاهدات
2051
نــوع القصيدة
عامية
مــشــــاركـــة مـــن
تاريخ الإضافة
19/04/2012
وقـــت الإضــافــة
3:12 مساءً

( گوم يالبيك الرجه ) گوم ياعباس راعي المرجله=طبت اجدام الرذيله الكربله گوم ياعباس واجلي موسّمك=واسرج الحيل وتعلّه مطهمك ردهن اچفوفك يحيد المحرمك=گوم واتغطرس يبن عقد الوله گوم واتغطرسّ عله الشاطي اصبحت=صافّه اصفوف بحقدها اتوضّحت عالشريعه اسيوف تبرج شرّعت=ارماح وسهام وحديد امجلجله رماح وسهام وحديد امحزّمه=ومن كثرها الگاع امست مظلمه بالحقد والنار هبّت مضرمه= والفرات ارتاب واهتز كاحله والفرات ارتاب ياراعي الشيم=ومن حوافر خيلهم جرفه انهدم گوم خلّه ايرفرف ابكتره العلم=گوم واشفي اصدورنه بهالمعضله گوم ياعباس واشفيها الصدور=لاتخليها ابثره اعيالك تدور منهو غيرك صاگراسراب الصگور=وانته للمظلوم سيفه ومحمله انته للمظلوم يا نسل السباع=سيف عاشگ يمنته وزود الذراع اليوم بيك انلوذ يالچتفك شراع=چالبحر بالزود واظلم ساحله چالبحر عباس ياشبل الهمام=يا وسام الدين ياراعي الوسام ما عله الينخاك اظن جفنك ينام=حيث انته الكل موالي چافله حيث انته السيف دون الحد تصول=وهاي يالمهيوب هدات الفحول لاتخلي اذراعهم للطف تطول=ولاتخلي ادموعنه بذلّ هامله لاتخلي ادموعنه بذلّه تسيل=ولا تخلي النار تاكل بالدليل ما نعرف بكربله غيرك چفيل=گوم واعدل كفّة الحگ مايله گوم يالبيك الرجه لهل الرجه=أوجرت بينه النوايب ملحجه هاي نار الكفر تلهب محرجه=وهاي گوم الفيل ردت مجبله
Testing