الأرض نــاحـت وانـحـبـت وديـانـها         حــيـن مـسـلـم غــدرتـه كـوفـانـها

ضـجّت افـلاك الـحزن لـيل الـحزن         واعـتـنه الـهـم ابـصـدر هـمّـه يـونّ
ومـركـب اهـمومه الـتحيّر مـمتحن         والــمـواجـع حـظـنـتـه بـأحـظـانـها

بـاگ صـوت الـنايبه صـوت السفير         وأشـهـر الـبـين الـغـدر لـيـه ويـغير
والــدوايـر عــالـبگه وحـــده تـديـر         بـاعـت الـصـوت الـظـلم وجـدانـها

دارت الـدنـيه ورجـف صـدرالوجود         وظـاگت بـمسلم بعد عيني الحدود
صـاح ويـن اعـهودكم ويـن الـوعود         ويــن كــل ذ يچ الـرسـل وإلـسانه

ويـن ذيچ احـشودكم حين احضرَت         صـلّـت اخـلافي ولـموقفها انـكرت
بـاعـت الـديـن ولـعـدوانه اشـترت         عــافــتـه وردت تــشـيّـد أوثــانـهـا

صـاح يـهل الـكوفه مـا عـدكم قيمّ         والـخـيانه بـجـالكم صــارت شـيـمّ
مـن غـدركم گبـلي حـيدر مـا سلمّ         وهـــاذه لـلـكوفه انـعـرف ديـدانـها

آه يـالـكوفه الـغـدت كــل مـحـنتي         هـبّـت اجـيـوش الـظـلاله الچتـلتي
اسـتـفـردو بـيّـه اولـونـي بـغـربتي         لا هــلـي الـتـحـضرني لا فـرسـانها

حـاوطـتني خـيل ورجـال وسـيوف         بـكـل كـتـر تـندار مـتحشده ألـوف
ريت ابو فاضل يصل يمي ويشوف         شـلـون اجـتـني مـحشّمه بـعدوانها

وصـال بيها مسلم وسيفه اليطوف         يـحـصـد أرگاب ويـروّيـها الـحـتوف
أعلن اعله الموزمه بچفه الخسوف         وردهــا خـيـل امگنـطـره جـيـمانها

وآه مـن سـيف الـتعب شـلّ هـمّته         وطــاح مـسلم يـا وسـافه بـحفرته
الـتـمت اجـيوش الـظلاله وحـاطته         واخــذتـه مگيّـــد لــعـد شـيـطـانها

صــدّر الـظـالم عـلـى مـسلم أمـر         مــن أعـالـي الـقـصر لازم يـنشمر
اتــقـدم ابــدمـه لـبـن عـمـه نــذر         وصـــار لـعـلـوم الـفـخـر ديـوانـهـا