( أبابيل اتعصف ) گابلت سبعينك السبعين ألف=وصارت السبعين أبابيل اتعصفّ گابلو سبعينك بهمّه وعزم=كل ألوف الجايه ا بشده وحزم وأمسه جيش ايزيد منهم منهزم=ولعنت التاريخ بگفاهم تطفّ گابلت سبعينك ألاف العده=بروح وحده اعله الهدايه مسدده چم فئه الچانت قليله معدده=غلبت أكبر فئه ونسفتها نسفّ گابلت سبعينك جيوش الكفر=موت طاعون بكتايبهم يجرّ خلص منهم بس البروحه يفرّ=واليظل ينداس بأرتال الزحف من رحه القرآن يحسين العهد=العبره بالأيمان ماهي بالعدد وجدك الهادي شكثر بيها شهد=من بدر عنوانها وكلها اتعرف جالت السبعين بأكتار الألوف= فرّگت بأيمانها ذيچ الصفوف علّگت رايات عزها اعله الطفوف=عبروا اعله الموت والغيره اتهتف اتقاتل السبعين تسبگها الملك=وتمطر السجّيل ذرعان الفلك والهوه بنشّاب يتناغر الك=والفقارالصار يگطفها گطف اتسابگو للموت يبن المصطفه=وللشهاده ارواحهم متلاهفه وبهواك اگلوب تنبض عازفه=منها جيمان العده گام اترجف أگبلت ارتالهم ماچن ألوف= غير ملچ الموت ما ظنها تشوف يخطف ارواح ويسجّل بالحتوف= وياهو اليلتاذ من سيف الحتف قادها الخوف وحده ارچابه المفرّ=ينحره الطاعون وين اجفه ونحر بيرغ السبعين بالعز افتخر=وهاي رايات النصر لسه ترفّ وين كل ذيچ الألوف بيا مچان=ويازمان ايعرف عنهم يازمان وهاي سبعينك غفت وسط الجنان= يفخر بأوصافهم عرش الوصف