شـلون لـيله الـكون بأكتاره انرجنّ         عـالـهوا شـم دارت أفـلاك الـمحن

شـلون ليله الأرض تنحب والسماء         طـاحت حـيود الـفله وحـلّ الـعزاء
نــاحـت بـــدم عـالـفواجع كـربـلاء         والـجبال مـن الـحزن كـلهن وطنّ

شـلـون لـيـله الـكـون تـيّه مـركزه         ورد عـلـى طـوفـان نــوح وفــزّزه
نـصـبوأهل الـكـهف مـأتـم لـلـعزه         مـحـرز الـيحميهم بـصدره انـطعنّ

شلون ليله الوكت ذاب من الوكت         والشمس دم عالأرض گامت تكت
صـاحت الـحره عگب عـينك ضعت         خـلافك جـروح الـحزن بـيّ اوجرنّ

شـلون لـيله الـليل مـا يـقبل يـحلّ         والآلـــم مــحـرب ولايــرضـه يچلّ
والـنـظـر لـلـحومه رمـيـاته تـسـلّ         والـهـمـوم اعـلـه الـحـراير چودرن

شـلون لـيله أجساد ظلت عالأرض         مـحـرمه بـدمـها وتـعـنت لـلـفرض
مارضه اعليها الظهر جفنه ايعرض         وحـشه لـو سـاعاته عـنهن حـدرنّ

شـلون ليله اعله الهواشم موحشه         والـفـواجـع عـالـخـواطر مـعـرشه
اتـوجّـرت نــار الـمصايب بـالحشه         وابـلـضه الـفرگه ومـرارتها أنچونّ

شـلون لـيله ليلة امصاب الطفوف         امگابـلات الـحومه واللوعه تطوف
اتصيح زينب وين ابو فاضل يشوف         شـلون عگبـه ادموم دمعاتي جرنّ

شـلـون لـيله الـمايصح لـيها مـثيل         ادمـوعنه خـوف وحـزن نارالتسيل
نـدبت الـحره يـبن حـامي الـدخيل         اعـلـينه خـيـل الـنـايبات اتـفـازعنّ

شـلون لـيله أطـفال فـرّت خـايفه         والــحـرم صـــدت لـهـلـها لاهـفـه
مــن الـنـواظر دم تـهـامل ذارفــه         وأمـهـات ابــفگد الأعــزاز انـسبنّ

شـلون لـيله حسين عالغبره طريح         إمــوسّـد الـتـربـان والـيـنـه ذبـيـح
اتـوسـطتهن زيـنب بـلوعه وتـصيح         لـلـسبي اربــات الـخـدوراتحضرنّ