وگفــت اعـله الـتل مـدامعها تـسيل         نــادت بـلـوعه يـبـن حـامي الـدخيل

اتـعـنت الـحـومه تـنـاشد بـت عـلي         اتگلــه يـاشـم الـهـوه ويـاكـل هـلي
ردتــك الـسـاعه يـخـيّ تـنـغر إلــي         مـــابگه غـيـرك يـبـو الـيـمه چفـيـل

انـهـض الـسـاعه لـون بـيك الـنَفس         مــانـي بـالـوعـه دلـيـلـي مـنـحبس
حـرگو اخـلافك خـيمنه اهل الرجس         اسـتـفردوا بـيـنه حـريـم ابـلا مـعيل

هــايـخـوي بـيـاكـتـر گلـــي بگيـــت         انــه زيـنـب يـابـعد روحــي اعـتنيت
ارد اشـوفك حـي تـرد لـو لاله ميت         حـملي يـبن أمي العله اچتافي ثگيل

هـايـشـبل الـغـانـمه وعـــز خــوتـي         رد لــون وصـلـت لـسمعك صـيحتي
حـشّـمـت حـيـلـك يـخـوي بـنـخوتي         گوم أمــيّـه بـهـيـبتي گامــت تـعـيل

هــايـبـو الــيـمـه يچانـــون الـشـيـم         فـرهـدتـها أعــداك يـاخـويه الـخـيم
نــحـرت ومـرعـوبه لـلـبيده الـحـرم         ولـو عـدل تـسمع يبو سكينه العويل

لاتـخـلـيـني وحــيــده ابـــلا مـعـيـن         مـالـي غـيـرك مـلجأ وبـيه اسـتچين
رد عـلـيه مــن گبــل گطــع الـوتين         لا تـعـجـلّ يـابـعـد روحــي الـرحـيل

يـبـن ابـوي ا بـخاطري الـهم احـتزمّ         بـيـنك وبـيـن الـخـيم گلـبي انـجسمّ
حـوربّ الـحزن وعـلى چتـلي احتدمّ         والـهظم لـيّه امـسه يـبن أمي خليل

ويـــن ابـــو الـيـمه يـشـمّام الـهـوه         حـيـلي لـفـراگك بـعـد روحـي خـوه
يــا عـضـيدي بـطيحتك گلـبي انچوه         ولــلگبـر نـــاره فـــلا ظـنـها تـزيـل

رد عـلـيـه امـنـاشـدي يـبـن الـبـتول         سـكـتـتك يـاخـويـه لـتـخـلّها تـطـول
هـاي أمـيّه اعـله الـخيم ردت تجول         خـوفـتي ايـغـدرونه بـالخيمه الـعليل

هــايـبـو الــيـمـه يــجـيـدوم الـفـلـه         انچان عـنـي عــوّگك طــف كـربـله
سـلـمـت لــلـه الأمـــر كــلـه وإلــه         أمشي مهظومه وجرح وسط الدليل