( الخيل غارت عالخيم ) الخيل يهل الخيل غارت عالخيم=وين نخوتكم يتربات الشيم خيل تسبگ خيل مرجونه الأرض= وحل يخوتي بحرگت اخيمنه الفرض شلون عدكم عين عالغبره اتغمض= وبين خيل ونار عفتونه حرم بين خيل ونار واسيوف ونبل= والدمع نيران عالوجنه يهل يا هو منكم يخوتي ايعدل الحمل= هذا سهم البين للذلّه احتزمّ هاذه سهم البين حشّم ساعده=وهاي أميّه اتفازعتله امجاهده شافو اشبول الهواشم راگده=بس عليل وغيره ما واحد سلم الخيل يهلي غارت اعله العايله=العاشت بسدكم عمرها مدلله نار وسيوف وحديد امجلجله=وين عباس الذي بظعني ألتزم وين عباس التوزّم بالظعن= وين بركان العزم ليل المحن ها يخوي اخلافكم گلبي امتحن=وبرحه العدوان كدّر وإنظلم ها يخوي الشال بيرغ والدي= وگال هذا احماچ خويه بساعدي هوّس اگبالي وتشمّت هالردي= الذلتي عگبك يعباس اعتزم گوم هاي الخيل وصلت محرمي= طگ يبوالكلفات عرگ الهاشمي من بعد عيناك بيمن نحتمي= وهاذه صيوان الخدر خويه انهدم ادري ياخويه طحت عالمشرعه= وادري بچفوفك يحيد امگطّعه لاچن بكل شده روحي امطبّعه=تنخه ياعباس لو گلبي انهظم ادري ياخويه اعله نهرالعلگمي=بلا چفوف الجسد محرم مرتمي والوجه من سهم البعينك دمي= ومثل حيدرهامك بغدر انهشم لاچن الحرگه يسباح الگلب= من عگبكم بالخيم نارالتشب ويوگف الملعون جدا مي ويسب= ولامن ايرد عالذي إگبالي شتم