إجـيـتـك .. واعـتـذر مــولاي عـالـجيه         لأن ابــــلا زحــــف جـابـنـي رجـلـيـه
ولازم كــلـي اخـلـص الــك يـامـولاي         مـــا أقــبـل فــقـط تـخـلصلك الـنـيه
واريـدن مـن أزورك كـون أحسن بيك         يـلـي ابـكـل زمـان انـت الـتحس بـيه
ومـا اريد امن ازورك اطلب آنه إمراد         ولا اريـــد الــزيـارة الـحـاجـه مـعـنيه
اريـدن مـن اكـظ شـباجك اشـعر بـيه         ويـسـتـأذن شـعـوري ويـهـبط اعـلـيه
واكـتـبلك قـصيدة امـطرزة ابـدمعات         لــكـن كـلـهـه شـــوكَ ومـــو رثـائـيه
واريـد الـعجز يـلطم عـالصدر مـولاي         واريــد الـصـدر يـنـعه ابـحـزن ابـوذيه
وارسـم بـيهه طـف وكـربله وفرسان         واطـفـال..وحـريـم ابــحـاجـة امــيــه
وارسـمـلك نـهـر ظـل خـالد الـهاليوم         بــس يـنـزف خـجل مـن يـمر طـاريه
وارسـمـلك خـيـام .. اتـقـاتلت بـالـنار         ولـهـسه الـنـارظلت مـاهـي مـطـفيه
وارسـم كـلشي ارسم بالشعر مولاي         بــس مـا اكَـدر ارسـم طـفله مـسبيه
ويــا خـذنـي الـحزن وايـسيطر اعـليه         واعــرجـلـك وارد ابـلـحـظه روحــيـه
ويـجَّرد خـيالي ويـصفه بـس إحساس         واحــس ابـصـوت يـهـمس كـله حـنيه
إقــرأ.. هـالـقصيدة ابـحضرة الـزهراء         واحـس امـن الـسمه انفتحتلي جوريه
وبديت اقره القصيدة ابروضتك مولاي         وبــس دمــوع عـيـني الـصـفكَن لـيـه
واخيراً من طلعت امن الشعر يحسين         ردت اقـفـل الـبـاب ورجـفـت ايـديـه
وتـخيلت الـضلع .. والـدفعه والبسمار         ومــا سـديـته خـاطـر تـبـقى هـالـجيه