ولو مالك منارة اتعلي فوك الغيم = بس كل لحضه نخلص لجلك النيه او وحقك يالحسن كلما نزور حسين = نشوفك يمه كاعد تقره مرثيه انت السبط الاكبر .. يا كريم الله = وتجي لحسين اخوك اتزوره يوميه ويكولون الحسن ظلمته الشيعة اهواي = وبس حسين كالوا عنده شرعيه لا يموماً كيومك يابا عبد الله = خلاهه الحسن منهج لماميه ومتأكد يقيناً بالمدينه اهناك = بنه بيده الحسن مية حُسينيه وموكب بالبقيع ويلطم اعلى حسين = وبلال ابصوت اذانه ايردله لطميه ونشوف الزهره تبجي ابصف ضريح حسين = وانشوف الحسن بالاربعينيه وثوابات التوزع كلهه عالزوار = من جف الحسن .. واتوزعت هيه كريم آل الرسول اتلقبه كل الناس = ياحاتم الطائي ويا عرزوبيه وحق جف الحسن والمرقد المهدوم = ابكلب كل شيعي توجد كبه مبنيه كل معصوم لازم كبته تعله الغيم = وتلتم الارض .. واتصير شيعيه مثل ما كربلاء اتلم جميع الناس = وجن صحن الحسين الكره الارضيه مولاي الحسن .. كونك برض لعراق = ارض كل الديانات السماويه ابكد نجد وحجاز ابمرتين اهناه = كبه انسوي لجلك كربلائيه ولأن ماعدنه جثتك .. اقترح مولاي = نبنيلك مناره .. وكبه رمزيه خاطر من نجي انزور الحسن وحسين = ونعرج للرساله ابفضل هالجيه