یا شـوگ الوکت شنهی الاعذوبه البیک         شــو حــتّی الـصـخر بـحروفک اتـذوبه
واظـن تگلـب دلیل الـصدک مـن ابعید         مــثـل مــا خیبــره بچفــوفک اتگلـبـه
وچم عـاقـل تـسـودن وابـمحبتک هـام         وعـــاین بـالـضـلوع ومــا وجــد گلـبـه
لــن شــاف الــدلیل امـعرّج الـمثواک         وسـاجـد عــلی اعـتابک یمـسح الـتربه
واشگد سـال دمـع الـعین کلّـه اعـلیک         وچی دمـعک خـفیف اخـدودها اتشربه
یا غـصـن الــحیات الـعـجّبیت الـفوس         بــس یا فــاس یگدر غـصـنک ایحـطبه
ویا صــــارم یبــتــرک وانــتـه الـبـتـار         وچی بـــتــار یمک تــنـحـنی الــرگبــه
وچی عـزمک رواسی عیب هـمّک ریح         ولا بیتک گصـــب والـعـاصـفه اتـخـربه
وچی انـتـه الـنـخل وامـحمّل الـقنطار         غـــم رایه الیقیسک یا عـــلی ابـغـربه
سـماها انته وخصالک مثل نجم اسهیل         وبــحّـار الیتــبـعک مـــا خـطـا ابـدربـه
یا مــعـنـه الـعـدالـه وچفک الـــمیزان         یا چف الـــخــؤون الـــــراید ایغــلـبـه
لا مـتـنه الأعــادی ابکثــر مــا نـهـواک         ابکثــر حـبنه الـجنابک غیظـها انـشربه
وخـلّـونه حـطـب واشـعـلوا بینـه الـنار         ظــنّــوا نــنـتـهی ونـتـراجـع ابـضـربـه
مــا ظـنّوا بـرد وانـته ابـلهیب الـصیف         واذا تـــبــرد تــقـبّـل چفک الـحـطـبـه
وذرّونـــه رمـــل بـحـضان ریح الـشـر         ورادوا کون نــهـوی الــعـار وانــرکبـه
وعـمینه اعیونهم واقبضنه روح الموت         وبـعـبـار الـــرگب لـــو تـآمـر انـصـلبه
ولـــعیونک یحیدر نــشـد روح ابـــروح         وبــجـدام الـمـنایه انـدوسـها الـصـعبه
یا نـفـس الـنـبی والـمـصطفی لـولاک         مـــا بــلّـغ رســالـه ولا نــجـح حــربـه
وعــفیه اشگد هــواک الگلــب یا کرار         وگلـــب الــلی عــشگ یتـولّـع ابـحـبه
چنــت آنــه جــنین وبـالرحم مـحبوس         واتــغــذّه ابـمـحـبـتک بــعــد واتــربـه
لچن من گامت امّی انهضت عالرجلین         لـــن تـنـدب عــلی وتـتـعادل الـرکبـه
وعـجیبه اشـما ذکرتک غـرگت اعیونی         ودم صــارت عــلیک الـمـدمع اتـصـبه
مدری الشوگ مدری الممحنتک مولای         وانــتـه ابـمـوطـنک مـتـحـمّل الـغـربه
وکابــرت اشکثــر ویّه الـزمـن والـبین         یقـــــرآن الــثـقـافـه الــبـلّـغ الــربــه
ویا صـدر الـرحب چم عبره کبرت بیک         وچم مکروب حـشّـم واکشـفت کربـه
بـــــس هــــمّک یحیدر عــــادل الایام         وابـجـرحک زمــانک خـنـجره امـجـربه