يــوم مـوعـدنه ، نـسـيته و مـا إجـيت         چن مـثـل أيــام عـمـر ي إتـطـشريت
چنـت أحـسب مـن يـهل شـهر الـوداع         لــن يـهل إهـلال شـخصک و سـهريت
و هـالسه حـسبات إلـتودّي و مـاتجيب         او مـن يِـمُر طـرواک أقوّس و انحنيت
گلــبـي بـضـلـوعي يـلاويـنـي و يـلـوع         مـــن حچي الــعـذّال و ا... اتـعـذبيت
چان ضـاوي و مشرگه الگمره إبلقاک         و هالسه ظلمه اصبح تره عگبک البيت
بـعـدک إلـواشـي يـحط فـوگ الـجراح         من صبر صبري –إلصبر – و تمرمريت
يـا حـلات الگعـده وي شـخص الحبيب         و بگرب صـــدره تــمـددت و غـفـيـت
تـحـوي ثـمرة أمـس عـمرک يـالحبيب         و مـن وصلت الغصن لثماره او حويت
يـــا غــرام الـبـل قـوافـي اويــاک لاح         حــظـن حـنّـيـه الـــودادک و نـطـويت
هـشّـميت إضـلـوعي يــوم الـفـارگيت         او نـحّلت عـظمي ابغيابک من مشيت
جـره من شوگک علي شاطي الفرات         دجـله جـتني إتـريد وصـلک من هويت
عـاتـبت شـيـطان شـعري ابکل مـسه         او کل صـبـاح الـمن جـفاک إتـجرحيت
چنــهـه مکتـوبـه عـلـي قـصـة الـبـعاد         و الـصبر گضّـه او بـعد ناگص البيت...
يمته ، يمته ؟! ماتجي إتشوف النحيب         يـلـلي مـوجـود إبـشـراييني و سـريت
إنـــتــه مــوعــود إبــديـانـات الإلــــه         او لـلـظهور آيــات مــنک شـاهديت...