يللي چفوف قلمي إشما تلم إحروف=ماتگدر توصّف شانک إشگدّه بعض الناس تحسبلک عدد وحروف=تريد بوزن وبلقافيه کل شانک إتحدّه بس آنه إحترت شنهو شوصّف بيک=إشمفصّلها عليک القافيه إتردّه شايل بيد ورده و بيد شايل سيف=عافو طيب وردک رادو إلشدّه ونته إهلال شخصک مايضم أحقاد=طفح شلال دمعک عل خد إتبدّه يمنبع لو يصح إخيال بالأمثال=«مُثُل» بيک إنته حارت – حلمک إشحدّه؟! صِخي و تتوزّع إنته أرباع موش أنصاف=لو راد إلمحب منّک تفک شدّه «علي» مظهر خصالک – طود يا فرّاس!=جبت إلجود بيدک والشّطِ بحدّه و من طبيت گلب الجيش صحت إبزوم؛=رجَز طبعک تنّخه و للعزم شَدّه و شِيل إلواک هوسه لنّه هوس بيک=گلّي شگال عنّک من هتف ردّه ((جندل بِن عامر چف عوده )) و رِکَز...=...يلملع عموده إبچفّه من شدّه! عرّفهم إبنفسه و مايريد إصياح،=خبّرهم إبعوده و العلم سَنده صَرصَر بيها مثل العاصفه و هَب موت=من عرفوا إبإسمه و اسم عوده و ياهو اسم جدّه حيّر صرّع إلفرسان مطلب بيه؛=من چفّه إلصِخي – گرّب لزم غمده فصلها إلمنايه إثياب چنها إدروع=فوگ أروحهم لبّسها و العده!