يا رسول الله اشحصَل= و انته بفراش الأجَل يا نبي الرحمَه اشنبيِّن= من دنَت ليك المنيَّه ابحالة التوديع إلنه= لاحت اشباح الرزيَّه للخلافه و للإماره= اجتمعت اعيان الرعيَّه أمَّه عالأعقاب ردَّت= و نكرَت الهادي و وصيَّه حاربَت خير العمَل= و انته بفراش الأجَل ضامره الأمْر السقيفه= و تترك اشوصّيت بيها و ابسهَمها اعليك واضح= ابيهجر اختصرَت حچيها ابهالجنايه اللي جنتها= اليا أمُر واضح سعيها بعدَك انته اتودِّع اهلك= أعلنت فگدَت نبيها علنت الهادي رحَل= و انته بفراش الأجَل البيتك انروح و نشاهد= اتگلك الزهره ايْهَضمْنِي فگدَك و يصعَب عليَّه= و ريتك الصدرك تضمني يالتريد اتروح عنِّي= جرح الموادَع لچمني خل اشمنَّك يبويه= و شمّة اموادَع تشمني و نهمِل ادموع المُقَل= و انته بفراش الأجَل مو سهِل ترحل يبويه= و يبتدِل بالنوح طبعي و احمل احزاني و ونيني= و ابغيابك هذه و ضعي ما أمل امن البواچي= و لا أكف اعليك دمعي لو أوِن ليلي و نهاري= و انسه باليجري اعلى ضلعي ابيا وضع بعدَك أضَل= و انته بفراش الأجَل چنِّي و اتصوَّر تگلها= حيدر اينكرون گدْره و اللي تنكر نعتنيلچ= ضلعچ اتسبِّبله كسْره و الحسن بالسم منيته= و گلبچ اشرايح يِصَبْره لو لگيتي احسين مدمي= بكربله و محزوز نحره بيّنِت كل اللي حَل= و انته بفراش الأجَل عترتك شيحِل عليها= گلته و اهمَه ايودِّعونك تدري ملْك الموت يمَّك= و ابنزاع ايشاهدونك الله يا حال الزچيَّه= ابساعة اللي ايشيِّعونك تبتدي اعليها النوايب= ابلحدَك امن ايوسِّدونك امصابك اعليها جلَل= و انته بفراش الأجَل