عــــدد الأبـيـات
0
عدد المشاهدات
2080
تاريخ الإضافة
31/01/2012
وقـــت الإضــافــة
8:51 مساءً
بــعـدنـه وداعــــة الـعـبـاس نـــحچي بـــزود مـامـرنـه الـهـظـم لـلـسـاع
و لا هــزنـه هـــوا الکلــفـات لاويــنـه وفــرکنـه خــشـوم کثـــره ضــبـاع
شـمس عـزنه تـعلت بـالسما وهـيهات غـيم اظـيم مـن عدنا يغطي شعاع
و بـعـده هــلال شـيـمتنه يــشگ الـلـيل و يـخـلي الـنـجوم تـرتل الـمطلاع
و بعدهي صدورنه مضايف تحيي الضيف و نطعمه لحم ذرعان ضيف الجاع
ونــضـل اعــلـي الـقـمـم هــامـات مــا بـعـنه الـضـمير و صـبـحينه اتـبـاع
خـلها شـماتمر ريـاح صـفرة لـون فـنها تبوگ موال بدوينه و هوسه الفزاع
وبعدهي اصوات هلهولة حرايرنه تگوي الحيل و تنادم صيل سيوفنه اللماع
و سـفـينتنه بـعدهي تـعاند الـموجات چم طـوفان مـرها و لا تـهبط شـراع
و نـظل بـحد عـقيدتنه زلـم و سـيوف غـم رايـة الـتحده حـدود بـيها سباع
وغـم رايـه الـجهلنه و مـا عـرفنه مـنين مـن حـيدر علي الکرار بينه اطباع
وثـقـافتنه هـدايـة وتـهـدي الـمـخلوگ نــور احـنـه و يـظل مـبين وسـظاع
درسـنـه جـامـعة الاحــرار عـند حـسين نـعمين الـمعلم و الـدروس انـواع
وجـره بـدمنه الوفا من جود راعي الجود ذاک اللي نکت يم الشريعة ذراع
وعـزتـنه بـولايـة حـيـدر الکرار واسـمـه يـظل شـرف ووسـام هـاي الگاع
ابو موعود الرشيدي/المحمرة