هــل الـدمع ... طـفّوا الـشمع         مـا مـن عـرس مـا مـن فـرح
واحـني الـضلع ... هـذا الوضع         شــفـت الـولـد بـالـدم سـبـح

ســهــمچ يــدنـيـاي اشـعـمـل         وي الـــولــد ضــــاع الأمــــل



مــا عـنـدي غـيـر ابـنـي امـل         واتــنـطّـره چنــــت اســنـيـن
واسگيـتـه مــن مــاي الـنـظر         واحـضـنـتـه بــيـن الـضـلـعين
ريـحـانـتـي وهــــوه الــرجــه         وهـــو الـجـفن وهــوه الـعـين
يکبــــــر وزفـــنّـــه گلــــــت         وافــــرح وحــنّــي الچفــيــن

يکبــــر گلــــت ... واتـأمّـلـت         يــخـلـف عــلــيّ ذاک الــربـه
واتکدّرت ... مـــــا حــسـبـت         ســهــم الـمـصـيـبه ايـصـوبـه

شــوک الـبله ابـجفني انـشتل         وي الـــولــد ضــــاع الامــــل



يــــا مــــا لـيـالـيها اســهـرت         هـــدوه ولـولـي اعـلـه الـولـد
ويــا مــا هـمـل جـفـني ورگد         حـيـلـي ولا ظـــل لـــي جـلـد
ويـــا رضـعـتـه اعـلـه الـصـدر         واحـضـنته واضـلـوعي الـمـهد
واحچي واگلـــه انــتـه الامــل         والـبـيـتـي يــــا يــمّــه عــمـد

وسـفـه وغــدر ... بـيّه الـدهر         وانـــهـــدم صــيــوانــي ورگد
دمـعـي انـحـدر .. رک الـبـصر         وابچف حـــزن گلـبـي انـمـرد

جـفـنـي ابکثـــر نـوحـي ذبــل         وي الـــولــد ضــــاع الامــــل



غــصـن الـزرعـتـه ابچبــدتـي         وارتـــوه ابـدمـعي الـمـسفوح
ودلــلــتـه بــحـضـان الــوفــه         وبـيـن الـحـشه وبـيـن الــروح
اشـلـون اشـوفـه اعـله الـثره         ســابــح ابــدمّــه ومــطـروح
واشــلــون انـدبـنّـه واحـــس         صــــوت الــمــوادع مـبـحـوح

ون يـا گلـب ... فـوگ الـترب         طــايـح بـــدر بـيـتـي شــفـت
والله صـعب ... سـهم الـغرب         ثکلــــه ودمــــع عـيـنـي يکت

وابـــل حـــزن دهـــري نــزل         وي الـــولــد ضــــاع الامــــل



شـفته اعـله وادي الطف وگع         والــــراس نـصـيـن انـجـسـم
وانـهـدم حـيـله ومــن شـفـت         حـيـلـه انـهـدم حـيـلي انـهـدم
وانــيــاط گلــبــي اتگطــعـت         والــنـور عـــن عـيـني انـعـدم
ابــنـي الـتـعبت اعـلـيه عـمـر         مــــن الامـحـتـم مـــا ســلـم

جـمر الغضه ... اعليّه اشقضه         خــلّــه الـمـحـاجـر دم تــهــل
گلبي اشحضه ... ضاگ الفضه         بـعـيـوني واشــتـات الـشـمل

هــــمّ الــعـلـيّ ثگل الــجـبـل         وي الـــولــد ضــــاع الامــــل



يـــم جـسـمه طـحـت امکدّره         وگلــبـي ابّـحـر حـزنـه غــرگ
شــفـت الـولـد بـالـدّم سـبـح         واحــشــاي بــالـنّـار احــتـرگ
وشـفت علي الرمضه وصحت         والــصـوت بـالـعـبره اخــتـنگ
بـــاب الاشـــمّ مــنّـه الــهـوه         بــفــراگک ابـوجـهـي انــغـلگ

چالـمـذهـله ... ابّــيـن الـمـله         يــولـيـدي صــحـت ابـعـبـرتي
گلـبـي ابـتله ... وظـيم امـتله         وانــهــض دنــشّــف دمـعـتـي

بــرمـاحـه صــوّبـنـي الاجـــل         وي الـــولــد ضــــاع الامــــل



نـاديـتـه يـــا بـــدري انـتـهـض         امک تــــريــــد اتــــــــودعک
واعـيـوني هـملت مـن شـفت         يـهـمل عـلـي الـخـد مـدمـعک
ويـولـيـدي يـــا جـاسـم غــدر         بـــيــه الـــزمــان وضــيّــعک
والـــنــار شـــبــت بــالگلــب         واشــلـون اشـاهـد مـصـرعک

ونّـي اشـيفيد ... فوگ الصعيد         نـــايـــم لگيـــــتک عــالــثـره
بـدرک فـجيد ... وانـته الوحيد         وجــثــتک شـغـتـهـا امـــوذره

ظـعـن الـدهـر ســار ابـعـجل         وي الـــولــد ضــــاع الأمــــل