هل الدمع ... طفّوا الشمع = ما من عرس ما من فرح واحني الضلع ... هذا الوضع = شفت الولد بالدم سبح سهمچ يدنياي اشعمل = وي الولد ضاع الأمل ما عندي غير ابني امل = واتنطّره چنت اسنين واسگيته من ماي النظر = واحضنته بين الضلعين ريحانتي وهوه الرجه = وهو الجفن وهوه العين يکبر وزفنّه گلت = وافرح وحنّي الچفين يکبر گلت ... واتأمّلت = يخلف عليّ ذاک الربه واتکدّرت ... ما حسبت = سهم المصيبه ايصوبه شوک البله ابجفني انشتل = وي الولد ضاع الامل يا ما لياليها اسهرت = هدوه ولولي اعله الولد ويا ما همل جفني ورگد = حيلي ولا ظل لي جلد ويا رضعته اعله الصدر = واحضنته واضلوعي المهد واحچي واگله انته الامل = والبيتي يا يمّه عمد وسفه وغدر ... بيّه الدهر = وانهدم صيواني ورگد دمعي انحدر .. رک البصر = وابچف حزن گلبي انمرد جفني ابکثر نوحي ذبل = وي الولد ضاع الامل غصن الزرعته ابچبدتي = وارتوه ابدمعي المسفوح ودللته بحضان الوفه = وبين الحشه وبين الروح اشلون اشوفه اعله الثره = سابح ابدمّه ومطروح واشلون اندبنّه واحس = صوت الموادع مبحوح ون يا گلب ... فوگ الترب = طايح بدر بيتي شفت والله صعب ... سهم الغرب = ثکله ودمع عيني يکت وابل حزن دهري نزل = وي الولد ضاع الامل شفته اعله وادي الطف وگع = والراس نصين انجسم وانهدم حيله ومن شفت = حيله انهدم حيلي انهدم وانياط گلبي اتگطعت = والنور عن عيني انعدم ابني التعبت اعليه عمر = من الامحتم ما سلم جمر الغضه ... اعليّه اشقضه = خلّه المحاجر دم تهل گلبي اشحضه ... ضاگ الفضه = بعيوني واشتات الشمل همّ العليّ ثگل الجبل = وي الولد ضاع الامل يم جسمه طحت امکدّره = وگلبي ابّحر حزنه غرگ شفت الولد بالدّم سبح = واحشاي بالنّار احترگ وشفت علي الرمضه وصحت= والصوت بالعبره اختنگ باب الاشمّ منّه الهوه = بفراگک ابوجهي انغلگ چالمذهله ... ابّين المله = يوليدي صحت ابعبرتي گلبي ابتله ... وظيم امتله = وانهض دنشّف دمعتي برماحه صوّبني الاجل = وي الولد ضاع الامل ناديته يا بدري انتهض = امک تريد اتودعک واعيوني هملت من شفت = يهمل علي الخد مدمعک ويوليدي يا جاسم غدر= بيه الزمان وضيّعک والنار شبت بالگلب = واشلون اشاهد مصرعک ونّي اشيفيد ... فوگ الصعيد = نايم لگيتک عالثره بدرک فجيد ... وانته الوحيد = وجثتک شغتها اموذره ظعن الدهر سار ابعجل = وي الولد ضاع الأمل