بـسـمک أهــل الکهــف نـالـو مـنزله         بــيـوم راسک عـالـرمـح بـيـهم تـلـه

راسک اعـلي الـرمح مولاي اشقره؟         بـآيـة أصـحـاب الکهــف لـمـن سـره
لاچن ادري بــراس سـبـع الگنـطـرة         ايــرتـل بـأسـمک يـبـن عـقـد الـولـه

مـعجزة أهل الکهف حسب الضروف         يـاهومنهم جـسمه گطـعته الـسيوف
وانـت الک سـبعين ظـلوا بـالطفوف         اشـلون بالله اجسوم ماهي امغسله

الکل مـن اصـحاب الکهـف ينعد نبي         بــس أبــد لـلـموت مــا راحـو حـبي
لا ولا عـدهـم مــره وراحــت سـبـي         الـعـجـبـه تـتـيـسر عـقـيـله امـدلـلـه

اسـئل اصـحاب الکهـف عدهم طفل         لــون عـدهـم بالله هـم صـابه الـنبل
انچان دمـع أهـل الکهف من دم يهل         مــاهـو يــم دمـعـة ربــاب الـسـايله

بالله سئلوا أهل الکهف عدهم شباب         حـنته اعـلي ايـديه من دمه الخضاب
جـاسم الـعريس هـذا اعـلي الـتراب         اشـلون بـين اسـيوف عـريس انـوله

يـهـل تـسمع عـن خـبر أهـل الکهـف         مـوعجب بـس العجب راس الشرف
بـعـد الأعـجـب ذاک مـدفون الـنجف         صــدگ کلـفـه اعـلـيه يـوصل کربـله

خـبروا اصـحاب الکهـف تنصب عزاء         وخـلـهـم يگصـــدون مـشـياً کربــلاء
وخـل يلطمون اعلي مسلوب الرداء         حـسـين آيـا حـسين وإخـته الـمعوله