زيــنـب اويـــاک اطـلـعت وامـخـدرة         الـروس طـخت لـخت سبع الگنطرة

زيــنـب اويـــاک اطـلـعـت وامـدلـله         تــلــوذ بـيـهـا ام الـمـفـاخر والـعـلـه
وگاصــده بـهذا الـظعن طـف کربـله         وبـــيک چانـــت عـالـخلگ مـتـفاخره

چان يـرعـاهـا بـخـجل عــذب الـهـوا         بــزود اخـوتـها وعــزم راعــي الـلـوا
هـــاي زيــنـب ويـنـهـا وويــن الـنـوا         بـهـظـم زيــنـب مـااظـن واحــد دره

هـظـم زيـنـب مـوهـظم هّـدم جـبال         ودمـع زيـنب سـال بـس شلون سال
يگطــع بـتـوت الگلــب هـذا الـسؤال         صـــدگ زيــنـب بــالـردن مـتـسـتره

الـراد عـن زينب وصف بالله شيگول         چنـها ابـوالحملات وامـحيرة الـعقول
تشرف اهل الأرض بت فحل الفحول         هــاي بـضـعة حـيـدره وخـيـر الـوري

کافـي لـو عـنها نگول اخـت الچفـيل         ومـوعجب لو گلنه هم تحمي الدخيل
حگهــا زيـنب شـافت الـبيرق يـميل!         ومـن يـطيح الـعلم تـمشي امـيسره

حـيّـرت صـبـر الـزمـن بــت فـاطمه         واصـبـحـت فــقـار حــمـاي الـحـمـه
چنــهـا حـيـدر لــو يـطـبله ابـمـوزمه         هـدمّـت عــرش الـظلم بـت حـيدره

الـدنيه مـر بـيها حزن واشگد مصاب         مــا مـثـل حـزنچ يـبت داحـي الـباب
يـاهـي مـثلچ ضـحّت بـسيد الـشباب         ويـااخـت عـافت اخـوها اعـلي الـثره

يــااخـت عــافـت اخـوهـا بـمـصرعه         ويـااخـت شـافـت چفــوف امگطـعه
ويـااخـت شـافـت سـيوف امـشرعه         هــدت اعـلي احـسين وتـحز مـنحره