عــــدد الأبـيـات
22
عدد المشاهدات
1708
تاريخ الإضافة
26/01/2012
وقـــت الإضــافــة
9:51 مساءً
هــاک أيــدي و يــا لـقليلک مـو قـليل ابـبـحر جــودک شـفـت دنـيـا مـحّـيره
انـــت تـعـرفـني لــئـن وايـــد أجـيـت الــبــاب بــيــتک و الـيـجـيک تــقـدره
شـفت حـاتم واگف اسـئلته شتريد؟؟ گلـــــي اسکت لا تــعـبـنـه اتــــودره
هــذا جـودي والکرم والـصيت ذاک... مــن الـحـسن يکرم عـلـي ويگطــره
عــمـي غـلـطـان الـمـثل کلک لـبـوک وبالله شـيـصـير الـوالـد مــن حـيـدره
الگال ما جاد الحسن شنهو الدليل؟؟؟ مــــا يــعـرفک،مـا يـثـمـنک، مـــادره
انــت شـمـعات الـضـون درب الــولاء و انــت صــدر الـبـي ضـلوع مکسـره
وأنـت هـامه الـساجده بـوکت الـصلاه ونــــدري بـالـمـحـراب دمک حــمـره
انــت بـالـلسم تـرجـمت مـعنه الـبقاء وانـــت تـرتـيل الـطـفوف اشـمـاقره
فزعت الکوفه بکبرها اعلي الفرات... اتـنـخه بــيک اشـعمل سـبع الگنـطره
انـــت عـــوذه مــعـلگه بـزنـد الکرام و عـفـيه عـبـدالله الـسـبگهم مـنـحره
انــت سـبحه مـن الـخلود ابـبين أديک خــرزه چف وخــرزه حــره امـيـسّره
انــت خـيـمه مــن الکرم تـمطرسخاء طــرف چفک تـرتـوي بـجـوده الـثري
و عــزم زيـنـب انـت و يـلاوي الـحديد والله غـلـطان الـحـسب زيـنـب مــره
انــت درع حـسـين عـنـد الـمـعضلات وأنـــت لـلـعـباس شـيـمه و مـفـخره
انــت کل مـعـنا الـشـجاعه مـستواک و بــعـريـن الــديــن أنـــت الـهـزبـره
انــت مـتـقدم عـلـي اطـياب الـصفاة وأنـــت ســيـف الله يـــوم الـزمـجره
و الـعداله مـن إحکمـت چتال ابوک... ضـربـه وحــده و عـفيه چفک گنـطره
بــس اريــد اثـغب يـبن زهـره الـبتول بـعـالـي صــوتـي الـمـايعرفک أخـبـره
چنــي أشـوفـن گبـرک بچبـد الـسماء و ســيـدي و عــن الأگولــه الـمـعذره
الـخاصمک ويـن انـدفن؟ لابـد دريـت! بـالـمـزابل حــتـي مـــا هــو بـمگبـره