حـزني مـا ظـن ينجلي عنّي شالوا کل هلي         والـديار امـست خـليّه والـجفون ابدم جريّه

اون وانــحــب وابـــد مـــا بـطّـلـت حــنّـي         ويـهـالتنشد عـلـي اهـلـي امـلاطمي وونّـي
مــشــوا عــنّـي يـويـلـي وانگطـــع ظــنّـي         ودلـيـلـي اتـمـرمـر ابــيـوم الـمـشوا عـنّـي
عـذّب اعـيوني الـسهر والـدهر خـان الـدهر         ســاروا وعـنّوا عـليه والـجفون ابـدم جـريّه

مـشـوا عـنّـي وظـعـنهم مـر عـلي اعـيوني         جـفـونـي ونـــاح گلـبـي وصـبّـت اجـفـوني
يــشــوفـونـي عــلـيـلـه ومـــــا يــتـانـونـي         وبــعـد شـعـتـب واگلــهـم لـيـش عـفـتوني
فـارگيتوني ابـمحن مـن گطع حادي الظعن         يـا هـلي واشـلون بـيّه والـجفون ابدم جريه

اريــد ابچي وخـلّـي اسـمـاها تــبچي اويـاي         واصـيـحن آه مــن سـهـم الـنـبت بـحـشاي
عــفــتـونـي وشــعــايــن دورکم يـــهــلاي         انگطـــع رجــواي مــنکم واغــدرت دنـيـاي
الـدنيا راوتـني الهظم وجسمي بالهم ينلظم         بـاصرت روحـي شجيّه والجفون ابدم جريه

کل يـــوم الـيـمر هـمّـي وامـصـابي ايــزود         وانــشـد عـــن ظـعـنـهم هـــم يـــرد اردود
هــم تـرجـع هـلـي واحـسـين ابـويـه ايـعود         واخــوتــي اتـــرد عـلـيـه ابـمـنّـة الـمـعـبود
هـم يـرد ظـعن الاهـل والامـل يگوه الامـل         لـو اظـل وحدي ابعزيّه والجفون ابدم جريه

واگلــهــم يـــا هــلـي راح الـهـنـه اويـــاکم         وعــفـتـونـي ولچن هــيــهـات وانـــســاکم
واعـيوني امـساهره وتـهمي اعـله فـرگاکم         وابــــداً مــــا غــفــت وابـطـيـف تـــلگاکم
ما حضن عيني الکري ولو تنشدوني اشجره         اصـفج اعـليکم بـديّه والـجفون ابـدم جـريه

يــهـلـي الــــروح حــنّـت والــدمـع سچّاب         واشـوف الـدار وحـشه واگعـد اعـله الـباب
واظـــل اتــنـه الـظـعـن واتـنـطّـر الـغـياب         واصــعـب کل مـصـايـب فـــرگة الاحـبـاب
فـارگونـي ابـهـالنزل وابـتـعد ذاک الـشـمل         و روحـي تـتمنّه الـمنيه والجفون ابدم جريه

وصــحـت لاچن دمـعـتـي حــوفـرت خــدّي         يـبـويـه احـسـيـن خــلـوه الـطـفـل عـنـدي
وحـــدي اشـلـون اظــل ابــدورکم وحــدي         ولـــن صـــاح الـسـبـط يـــا فـاطـمـه ردي
صـحت يـابويه انکسـر گلـبي واتـحمل قـهر         خـل اودع بـس رقـيّه والـجفون ابـدم جريه