خـلـص دمـعـي يـبـو الاكـبـر         واجـيـتـك والــحـزن مـنـحـر
لـيـالي الاربـعـين احـسـاس         وحـزنـي ابـكـل وطـن مـنبر

أجـيـتـك والـظـعـن حـسـرة         ردت هــالـخـاطـر اتــجـبـرة
الـبـعد عـنـك سـبب كـسرة         ودمـعي اعـلة الـجرح يسعر

يــخـويـة الـمـارحـت عــنّـي         صــــور نــحـرك تــراودنـي
أغــمـض جَــرحـي كَـعـدنـي         أكَــعــد والــصـبـر مِــجـمـر

صـدكَ هـذا آنـة يـم حـسين         واشـيل اتـرابك اعـلة الـعين
واشـم لـحدك يـركن الـدين         أحـــس نـظـراتـي تـتـكـسر

جــنـت خـيـمـة دلال اتـلـوح         جـنت مـثل الـنِفس والـروح
ولــون سـاعـة تـريد اتـروح         اجـتـف شـوكَـي جـالـعسكر

جـنـت ويّــة الـكَلب نـبضات         اشحمل مني العمر شوغات
وشهيق انفاسي عكَبك مات         وحـبـل حـتـة الـهـوة يـكَصر

هـــــاذ آنـــــة دحــاجـيـنـي         ابــجـوابـك خــويـة خـلـيـني
ســـؤال ابـحـالـي يـدريـنـي         بـخـنـاجـر فــكَــدك اتـــوذر

اخــاف امـن الـصبر لـو راح         واخـاف امـن الالـم لو صاح
شـفت محصودي كلّة اجراح         وثـمـر ايـامـي مـنّـي انـطـر

لــيـالـي الاربـعـيـن انــجـوم         بـلاية اسـماهة جـنها اتـحوم
طـاحـن حـيـرة عـالـمظلوم         وتــصـوّر خــويـة هـالـمنظر

لـيـالـي الاربـعـيـن افـــراكَ         اشـيـصبر حـالـي والاشـواكَ
يـخـويـة اوحـالـة الـمـشتاكَ         صـعـبـة اوعُــودة مـايـحضر

الوطن بوجودك احسب صار         ونــظـراتـك عــمـود الـــدار
ومـشـاعر كـلبي لـيل انـهار         وجـــهــك هـــيــة تــتـصـوّر