يـبـني يـالأكبر مـصابك مـا يـهون          شـلـون أگدر أمـنع دمـوع لـعيون
ريـت گبلك يبني ما خذني المنون          ولا چِنِـــت مــن جـثِّـتك جـابـوها

اشلون اشوفك يبني جدّامي ذبيح          امدَّد اعلى الثرى و دمومك تسيح
لـظل طـول الـعمر يـالأكبر أصيح          ريــت روحــي ابـدالـك الأخـذوها

يـا شـباب الـبيك چنْـت امـحسِّبه          بـكُبري تـرعاني و ترِد تعْب الربه
مــاچنِـت مـتـأمِّـله ابـهـا الـنـايبه          عـيوني يـبني الـشوفتك حـرموها

اخـلاف عُـمرك بـعَد ماريد العمُر          ضـاعَـت الآمـال مـنِّي و شـنتظر
يـالچنِت زهـره و تـنفِّه لي الصدر          وسـفـه زهــرة عـمرك الـنثروها