شال العلم بيده أبو فاضل أو حدّر=جيش العدا من شوفته ظل يْتعثر مثل الأسد نازل او گلبه مشتعل نار=عينه مثل جمر الغضى وبيده البتّار واحد گطع راسه أو سيفه في الهوا طار=واحد شلع گلبه ومن فوگ المهر خر واحد گطع زنده وظل يصرخ بلا راي=جسمي معفّر بالترب او ذايب احشاي واحد فلگ هامه وطاسه راح بالماي=واحد سگط من ضربته اوظل ايتعفّر واحد شطر فوق السرج والثاني بالگاع=والكل خايف بو الفضل والگلب ملتاع خيل العدى من حملته فرّت للتلاع=والكل خايف صولته والگلب مصفر هذا إبن حيدر علي فارس الفرسان=سيفه بچفه والگلب مشتعل نيران والسيف يفري والدما اتگول غدران=والكون أظلم بالملا والجو مغبر محلا أبو فاضل إبن خير البهاليل=خلى الفوارس تنهزم وتصيح بالويل خلى النهار وغبرته أظلم من الليل=والكل منهم يشتكي من حاله لگشر لكن يوسفه قطعوا يمينه ويساره=والجود من بعد السهم تدري اخباره خلى بنات المصطفى كلهم حيارى=تشكي العطش وحسين من بعده تحيّر