بحر اجروحك ظل يتماوج=يحسين امن ادماك ومثل اطيور النورس نزلت=يمك هالاملاك هذا ايغطيك ابجنحانه=ذاك ايون اوياك والشمس اتسامحها اتمنت=زادت منّ اظماك شمس العاشر شافت منظر=وانته اعله التربان بالمصرع نايم واجروحك=غطّت هالميدان بس هاي اشفافك تتحرّك=وامغَمْض الاجفان شتگول انته ابهاي اللحظه=اْو مايمك انسان گامت تستعجل مغربها اْو تصغيلك بَحزان سِمعَت همسه اتصمّ الدنيه=يالتهمس عطشان الشمس ابحزن احترگت اكثر=واتگلك رحماك واتمنت لو چانت تگدر=تِمطر فوگ اشفاك محتاره الشمس اشما تِحزَن=بيها اتزيد النار اْو فوگ اظماك اتزيدك أكثر=واتْقَدِّم أعذار مو وكت الليل الياخذها=والمغرب ماصار واتشوف الشمْر وتتلفّت=بين ايمين ايسار تِبحث عن غيمه اتمر بيها=مو لجل الامطار بس حتى الذبحك ماتِنظر=واتغضّ الابصار لاكن هذا اعليها اتقدّر=بالمذبح تلگاك وابيوم المحشر يم ربها=تشهد ضد اعداك هالأمواج المرجانيه=امن النحر المذبوح فيض امن الرحمه ويتنازف=لو دمك مسفوح الله اتولَّه القبض ابإيده=واستقبل هالروح عُبرت روحك، فوگ اجروحك=ظل جسمك مطروح كِسرت عين الشمس انوارك=فوگ الرمح اتلوح واعله امصابك افق العالم=كل اغروب اينوح يامن صار اغيابك مشرق=والنور ابذكراك صلى الحزن اعليك وسلم=يحسين وحياك