بالدمه وقعوا أنصار الحسين=و اصبحوا رمز الفخر للخالدين عبِّدوا درب العُله ابدم الفداء=و نالوا اشرف لقب من تاج الإباء للكرامه و الشرف رفعوا لواء=و بإسمها يخفگ ابمّر السنين مو عجب للبذلوا ارواح ودماء=لبو اليمّه قمّه چانوا بالوفاء ابلا حساب اورودها ابيوم الجزاء=و الشفيع الها علي و طه الأمين هاذي صرختها التدوِّي هاتفه=كلنا فدوه انروح لبن المصطفه و الله من دونه على الدنيه العفه=عهد عدنه و ابعهدنه ثابتين ساحة الميدان ندخلها و تشوف=نگلب الجنحين ونفل الصفوف يشهد اعلينه الدهر وارض الطفوف=عدنه إصرار و عزم لا ما يلين إحنه حزات الشدد ما نرتهب=ما نِزِلّ الِجدَم موقفنه صلِب كلمن اليذكرنه رايح يعتجِب=ابيا عتاد العدنه چِنَّه امجندين عدنه إخلاص العمل أضمن عتاد=و بسلاح الدين خطينه الجهاد اتسدَّدت خطواتنه ابأشرف سداد=و يكفي باسم احسين بيه متشرّفين صفحة العز والإبه ما تنطوي=و جيد كلمن حُر أبي ما ينلوي المعتصم حبل الله و الدرب السوي=ينكتب له الفور ويَّه الفائزين