هوسات للإمام الحجّة (عليه السلام) في مصاب الأئمّة (عليه السلام) إلك جَرْح ابﮕلبنا وما بعد يدمل لإِنْ هذا الجرح بحسين لِمْجدّل تظن حتّى البدر من غيبتك يكمل لا ما يكمل نوره اخْلافك=وانته الموصوف ابألْطافك ابكثر ما تحمل اجْروح ابوسَط ﮔلبك حملنا اجْروح ابو اليمّه وانجي انطلْبك نِطلْبك تظهر وتِعْلِمْنَا عنْ دربك يالغايب ﭼم دُوب انحشْمك=وانته المذخور الْضلْع امّك تِناقل هالجرح مِنْ جدّك الضّامي لعِدْ اجدادك وﮔلبك يظل دامي على امْصَايب أيمّتنا الدّمع هَامي واﮔلوب احبابك مِسْتعره=إطفيها ابحق ضلْع الزهره وسف نذكر ولينه السَّاجد الْﮕادُوه ابحبل وَيْ عمتك وظل كل فكر مَشْدَوه وبعدها الباقر ابحسْراته لَنْ سمّوه والصّادِقْ هَمْ نكروا فضْله =مرْدوا ﭼبده. وِصْله ابوصله وسَافه الكاظم ابسجنه اشكثر عَانى سِﮕُوه السّمْ وَخَذْ يتْلَوّى بحْزانه وبعَد فَﮕْده الرّضا ابهالمحنه أشْجانه تلكَى ابطُوس ايْلُوحن همّك =يا يوم التﮕصدها ابعزمك يهالْغَايب بعَد عندك جرح يصعب جرح فﮕْد الجواد الْبالﮕلُبْ يلهب عجيبه الْهَسّه يالمهدي ابأسى امغَيّب والهادي امصَابه ايشِبْ ناره =يا ساعه الْتدركنا ابثاره أبَدْ مَنْريدَن انوسِّعْ جرح ﭼبدك وإلَك ثار ابأبُوك اللّيْ غِدا اينشْدك يا يوم الْتجِينه ونوﮔف ابحَدّك طبرة حيدرْ لا تنساها=اولا تنسى الزّهره وبلْواها لليوم الجرح ظل ينزف ابحسْره وما شفنا الفرج بالدنيا فَدْ مَرّه لازمْ ربنا يَاذنْ للفرج أَمْره تطلع واحنا انصير اجنودك=وتُوفي ابهالثّارات اوعود