تـعـنـت لـلـطـفوف اتـريـد بـالـعين         تـشوف اشـلون زينب بعد الحسين


مـن وادي الـطفوف وسـط الأخيام         ومـــن يــم جـثـة الأكـبـر وجـسـام
أنـمزج صـوت الـعقيله ابـدمع ألالام         وضـهـر مـن كـربله وتـخطى الأيـام

مـــو واحــد خـذاهـم كـلـهم الـبـين         تـشوف اشـلون زينب بعد الحسين


وهـاجر طـير شـافت يـذرف ادموم         وتـبـعـته وخـذاهـه الـكـربله الـيـوم
شـافت حـرمه تـعثر سـاعه وتـكوم         ومـثل اهـلال مـحنيه امـن الأهـموم

چاويـــن الـكـفـلهه والــخـدر ويــن         تـشوف اشـلون زينب بعد الحسين


ظــلـت هــاجـر أبـدهـشـه تـعـايـن         تـشوف اجـروح بس الله الحصاهن
كـالـت حـزنـي وي زيـنـب شـقارن         جــرح مــر بـيـه وعـيـوني عـماهن

شـحـال الـفـاركت واحــد وسـبعين         تـشوف اشـلون زينب بعد الحسين


تـشوف ايـتام يـمهه وعـلي السجاد         وحـرم مـفجوعه تنحب يم الأجساد
مــن الـخـيم مـاظـل غـيـر الأرمـاد         وصـاحـت هــا يـزيـنب ويــن الأولاد

ذبـــح كـلـهـم كـظـوا لا لا تـكـولين         تـشوف اشـلون زينب بعد الحسين


صـاحت هـاجر ولطمت عله الراس         تـضربون الأمـيره اشـلون يـرجاس
أخــت حـسين هـاي واخـت عـباس         بـدلـهه أخـذونـي لـلشامات يـاناس
ولا انــظـر دمـعـهم عـلـه الـخـدين         تـشوف اشـلون زينب بعد الحسين


ولــمــن هــاجــر اتـقـربـت مـنـهـه         عـلـيـهـه هــانـت امـصـيـبة ابـنـهـه
نــسـت هـاجـر مـصـيبتهه وحـزنـهه         مــن شـافـت أثــر ســوط ابـمتنهه

ظــل اعـله الـشريعه ابـلايه چفـين         تـشوف اشـلون زينب بعد الحسين


أذا أهـــــلچ هــذولــه الـعـالـتـرايب         الله يــســاعـدچ يــــم الـمـصـايـب
صــعـب مـايـنحمل فـكـد الـحـبايب         وصـدك حـزنچ صـبح اعـله المراتب

مـابـيـن الـجـثـث وحـــدچ تـنـوحين         تـشوف اشـلون زينب بعد الحسين


يـزيـنب بـعـد مــا ابچي عـلـه ابـني         مـــن الـيـوم حــزنچ صــار حـزنـي
وقـبـل مـتـنچ يـريت انـصاب مـتني         ومــثـلچ ســهـم عــبـدالله ذبـحـني

ويـــن أنــتـي يـزيـنـب والـمـيـادين         تـشوف اشـلون زينب بعد الحسين