صاحب بيعة يوم الغدير «ميمر» سبع الحصن حامي الجار = كف زودها او راواها راية الإسلام التأيد بيها وابخيبر انصاب ابرمد راعيها كلمن حملها موكفو = اليرضيها من غير حماي الجار ما واحد الكفاها ابعين النبوه المصطفى شاهدها اوگام ايخطب بالوادم اويرشدها هالرايه تبچي اتريد = المأيدها واتريد ساعد بالكون مايچل من ملگاها باچر أسلّمها الفتاها المهيوب امگرب او عند الله او رسوله محبوب وابگلبه گال الحسب نفسه = مندوب خطبة محمد بالناس يشمل علي معناها أصبحت والبات ابفكر يتردد عالرايه واعيونه بكت تترصد والگال أنا ابها الرايه أبده = او ارشد بيها التزم قبل ابيوم چا ليش ما كفاها صاح النبي او كل أمّته ايسمعونه وآمر لعد عقد الوله ايحضرونه حيدر حضر والرمد ماذي = اعيونه ابماي النبوه المختار عين الوصي شافاها زم راية الملّه او ستر خلتها اوشهدت ابحگه الما كفت رايتها مرحب نجح واتنومس = ابكسرتها لاچن جبرها البالسيف عين الحرب بچاها مرحب يجول او يرتجز بالأشعار مرحب هلي امسميني وآنه المغوار من صاح أنا (حيدر علي الكرار) = صيحة علي مرحب صار يتزلزل إمن اهواها مرحب شرد يرتعش وابليس اغواه مالك فتر عزمك او مرحب ناداه وصتني أمي( الحيدره ) لا = تدناه تاليها غشه الشيطان والشمعته طفاها حيدر دحه الباب اوهدم عاليها دركه جعلها اوگام يكشف بيها سدر الگوم او كبّر ابتاليها = هز رايته او للرايات طي السجل طواها من اليهود أخذوا مغانم كثره او بعض المغانم حرم منهم يسره او سبي الحرم سهل محمد = أمره وابكربلا اعيال حسين ما واحد الراعاها عالخيم لمن هجمت الخياله من حسين كثره اسحگوا من اعياله والخيم حرگوها اعله روس = اعياله او حرگ الخيم عالنسوان ما واحد السواها بالحرم لمن گطعوا افجوج البيد بحبال خشنة امچتفه امن إيد الإيد تدري اشجره بالمجلس اگبال = ايزيد وگفة بنات المختار يالمحب لا تنساها نامت اسكينه امن التعب وامن الجور اوگلب اليتيمة الفگد أبوها مكسور اتحسب ابجدها او شاهدت = قصر النور او شافت محمد بالنوم حن او بچه اعله ابچاها شبگت محمد سكنه اوتجر حسره ياجد لبويه حسين رضوا صدره حتى الطفل بالسهم حزوا = نحره ياجد چثيره الأطفال ماتت ابحر اضماها والرسل نادوها وايفور المدمع اخفي ونينچ گلب عزنه اتقطع امصاب من امصاب أمضه = او أفجع ابگلب النبي تمضي اسهام من ونتچ أمضاها صاحت اسكينه اشلون ابطل وني مذبوح أبويه او منهو يتكفلني من زغر سني والدهر يتمني = اومن طبت القصر النور لمّها اشبحت عيناها يحسين يوليدي تصيح الزهره ابدال اللحد متوسد اعله الغيره او صدت السكنه اوناشدتها = ابعبره او نادتها سكنه والعين منها نشف مجراها ذبحوا عزيزچ يمّي يالزهره الگوم اولا ظل عظم سالم بعد بالمظلوم واعياله ما شافت عگب = عينه النوم والباري لعيال حسين ابعين اللطف يرعاها