في ذكر فضائل الأمير (ع) «ميمر مذيل» بالله ومحمد وبولاية حيدر = أدي الشهاده ابنور الولايه من تموت امنور = أدي الشهاده انختمت ابدين المسلمين الأديان = واتبعت شرعه ثبت اصوله بالولايه ( الرحمن ) = والعشرة فرعه لوردت شاهد دوك اقره القرآن = والحق تتبعه بآية التبليغ افتكر واتصور = أدي الشهاده واتصفح ابمحكم التنزيل وشوف = بعين الحقيقه منهو الذي بآيات ربه موصوف = اتبع طريقه وياهو الذي صديق الأكبر معروف = نعم الوثيقه واخذ النبأ من (عم ) بيه اتبصر = أدي الشهاده تايه الوادم ( بالنبأ ) مختلفه = تدور الغايه لوردت يا راعي اليقين اتعرفه = قر بالولايه سل (هل أتى ) عنه تبين وصفه = وانشد الآيه تگلك (علي) ومن حبه لاتتنكر = أدي الشهاده عندك يواهم خلي ذچر الآيات = والزم الفكره نستفسر ابحچي الشفاه الغايات = والحگ نظهره لوما علي ابفراش ابن عمه ايبات = ليلة الهجره ما چان مسلم ظل بعد يتجاهر = أدي الشهاده خل انتحاجج بالعقل لابكتاب = نبدي السريره لوما علي يا ساعد اليدحي الباب = للحق يجيره عبره يسوبها ويعبر الأصحاب = بيده القديره حيدر چتل مرحب وفاتح خيبر = ادي الشهاده ما ينّكر يوم الأحزاب المعلوم = تشهد أصحابه يوم النبي ناده منو العمرو ايگوم = حيدر أجابه من غير حيدر ما تگلط جيدوم = فض هالطلابه الايمان غالب عالشرك كل محضر = أدي الشهاده وراية المله ابكل حرب حاملها = بايده القويه وبين ايد ابن عمه النفس باذلها = صهره اوصيه بالدنيا كل هاي المچارم خلها = صفي هالنيه واسمع فضل حيدر ابيوم المحشر = أدي الشهاده هاي الخلگ بالمحشر ابصدر النار = توگف ابحيره مايجزي غير البيده صك حامي الجار = يسهل مشيره ومن يدخل الجنه محب الكرار = ينظر اميره عالحوض يسجي شيعته من الكوثر = أدي الشهاده للمرتضى الباري السقايه انطاها = نعم العطيه وعباس من عوده ( علي ) اتولاها = بالغاضريه للمشرعه راعي الوفه اتعناها = شوف السجيه راد الشرب لاچن بخوه اتذكر = أدي الشهاده ما شرب من الماي ليش المهيوب = ما تنشدوني گام ايعذل نفسه ودليله معطوب = يا نفس هوني چني أشوف اطفال ابو اليمه تلوب = يتنطروني من العطش چبد الرضيع اتفطر = أدي الشهاده اروه المزاده وسدر ابيا حاله = حامي الضعينه شايل الماي ومنعطب دلاله = وتنهمل عينه كل همته من الماي يسجى اعياله = ويوفي اسكينه عرضت منيته ومن جواده اتگنطر = أدي الشهاده